லேடி சூப்பர் ஸ்டார் என ரசிகர்களால் கொண்டாடப்படும் நயன்தாராவிற்கு தென்னிந்திய சினிமா முழுவதும் ஏகப்பட்ட ரசிகர்கள் உள்ளனர். தென்னிந்திய சினிமாவின் பிரபலமான நடிகையாக அறியப்படும் நயன்தான் தற்போது அதிகப்படியான சம்பளம் வாங்கும் நடிகைகள் பட்டியலில் முதலிடத்தில் உள்ளார். நயன்தாரா சமீபத்தில் இயக்குனர் விக்னேஷ் சிவனை காதலித்து திருமணம் செய்து கொண்டார். நயன்தாரா மற்றும் விக்னேஷ் சிவன் இணைந்து ஏற்கனவே பல வணிகங்களில் முதலீடு செய்துள்ளனர். அதில் ஒன்று தான் 'தி லிப் பார்ம் கம்பெனி'.
நயன்தாராவின் 'தி லிப் பாம் கம்பெனி' :
நடிகை நயன்தாரா மற்றும் மருத்துவர் ரெனிட்டா ராஜன் இருவரும் இணைந்து 'தி லிப் பாம் கம்பெனி' என்ற பெயரில் ஒரு காஸ்மெட்டிக் நிறுவனத்தை தொடங்கினர். அது முழுக்க முழுக்க பெண்களுக்கான லிப்ஸ்டிக்கை மட்டுமே தயாரித்து விற்பனை செய்யும் நிறுவனம். இதன் பிராண்ட் அம்பாசிடராக நயன்தாரா உள்ளார். அந்த வகையில் இந்த நிறுவனம் தொடங்கி முதலாம் ஆண்டை வெற்றிகரமாக கடந்துள்ளார் நயன்தாரா.
முதலாம் ஆண்டு நிறைவு விழா :
'தி லிப் பாம் கம்பெனி' நிறுவனத்தின் முதலாம் ஆண்டு கொண்டாட்டத்தை தனது இன்ஸ்டாகிராம் பக்கம் மூலம் தெரிவித்து அதற்கு அழகான ஒரு உறுப்பையும் பதிவிட்டுள்ளார் நயன்தாரா.
"எங்களின் இந்த பயணத்தை மிகவும் அற்புதமாக மாற்றியதற்கு உங்களின் அனைவரின் அன்பு, வாழ்த்துகள் மற்றும் ஆசீர்வாதம் தான் காரணம். அதற்கு நாங்கள் என்றும் நன்றியுள்ளவர்களாக இருப்போம். இதை சாத்தியமாக்கிய எனது குழுவினருக்கும் நாங்கள் என்றும் நன்றியுள்ளவர்களாக இருப்போம். நாங்கள் எடுத்து வைக்கும் ஒவ்வொரு அடியிலும் எங்களின் ஒவ்வொரு முயற்சிக்கும் ஆதரவு அளித்த அன்பான வாடிக்கையாளர்களுக்கும் நன்றி.
உங்களின் ஆதரவை நாங்கள் தீவிரமாக எடுத்துக் கொண்டு மேலும் உங்களுக்கு சிறந்த முறையில் சேவை செய்யவும், சிறந்த தயாரிப்புகளை உங்களுக்கு வழங்குவதற்காகவும் எங்களின் முழு முயற்சியையும் கொடுப்போம் என உறுதியளிக்கிறோம். நீங்கள் எங்களுக்காக இருப்பதை போலவே நாங்களும் உங்களுக்காக இருக்கிறோம்" என பதிவிட்டு இருக்கிறார் நடிகை நயன்தாரா.