Just In
Nandhini Myna: ‛லோ பட்ஜெட்’ நித்யா மேனனாக மாறிய மைனா நந்தினி!
Nandhini Myna: ஒரு பாடலை ரீல் செய்யும் போது, அந்த பாடலில் வரும் கேரக்டராக தன்னை மாற்றிக் கொள்வது மைனாவின் வழக்கம்.
விஜய் டிவியின் பிரபல சீரியலான சரவணன்-மீனாட்சி சீரியல் மூலம் அறியமானவர் நந்தினி. அந்த சீரியலில் வரும் மைனா என்கிற கதாபாத்திரம், பெரிய அளவில் பேசப்பட்டதால், மைனா என்கிற அவரது கதாபாத்திரம் பெயரே, அவருக்கு அடையாளம் ஆனது. இன்றும், நந்தினி என்பதை விட மைனா என்று கூறினால் தான் அவரை அடையாளம் தெரியும்.
விஜய் டிவியின் முக்கியமான ஷோக்களில் எல்லாம் தனதுகணவருடன் பங்கேற்று வரும் மைனா, நிறைய படங்களிலும் நடித்து வருகிறார். சமீபத்தில் வந்த விருமன் படத்தில் கூட மைனாவின் கதாபாத்திரம் முக்கியத்துவமான கதாபாத்திரமாக இருந்தது. இப்படி சின்னத்திரை-வெள்ளித்திரை என இரண்டிலும் கலக்கிக் கொண்டிருக்கும் மைனா, சமூக வலைதளத்தில் பயங்கர ஆக்டிவ் ஆக இருப்பார். குறிப்பாக இன்ஸ்டாகிராமில், மைனாவின் போட்டோக்கள் மற்றும் ரில்ஸ் ரொம்ப பிரபலம்
தான் மட்டுமின்றி தன் கணவர், குழந்தைகள் என அவரது பதிவுகள் அனைத்தும் குடும்ப பின்னணி கொண்டதாக இருக்கும். ஏதாவது ஒரு படத்தில் பாடல் வெளியாகி அது ஹிட் ஆனால், உடனே அதை அப்படியே ரீல் செய்து, தனது இன்ஸ்டா பக்கத்தில் பகிர்வது நந்தினியின் வழக்கம்.
அந்த வகையில் சமீபத்தில் தனுஷ்-நித்யாமேனன் நடித்த திருச்சிற்றம்பலம் படம் வெளியாகி, அதில் உள்ள பாடல்கள் பெரிய அளவில் ஹிட் ஆனது. அதில் வரும், ‛தேன் மொழி...’ என்கிற பாடலை தான், தற்போது மைனா ரீல் செய்துள்ளார்,
அப்போது ஒரு பாடலை ரீல் செய்யும் போது, அந்த பாடலில் வரும் கேரக்டராக தன்னை மாற்றிக் கொள்வது மைனாவின் வழக்கம். அந்த வகையில் தற்போது தேன் மொழி பாடலுக்கு தன்னை நித்யா மேனனாக மாற்றிக் கொண்டு அந்த பாடலுக்கு ரீல் செய்துள்ளார் மைனா. மைனாவின் இந்த முயற்சி, பலனளித்ததா, இல்லையா என்பதை அவரது வீடியோவை பார்த்து தெரிந்து கொள்ளுங்கள்!