நடன இயக்குநராக பலரின் மனதில் இடம் பிடித்தவர் நடிகர் பிரபுதேவா. இந்தியாவின் மைக்கல் ஜாக்ஸன் என்றே பிரபு தேவாவை அவரது ரசிகர்கள் கொண்டாடி வருகின்றனர். பாலிவுட், கோலிவுட் என கலக்கி வருகிறார் பிரபுதேவா. சமீக காலமாக பெக்யூலியர் கதைகளை தேர்வு செய்து நடித்து வரும் பிரபுதேவா நடிப்பில் தற்போது உருவாகியுள்ள திரைப்படம் ‘’மை டியர் பூதம் ‘ . 90 களில் வாழ்ந்த குழந்தைகளுக்கு இந்த பெயர் பரீட்சியமாக இருக்கலாம். சன் தொலைக்காட்சியில் ஒளிபரப்பான மை டியர் பூதம் தொடரை அவர்கள் யாரும் அவ்வளவும் எளிதாக மறந்து விட முடியாது. இந்நிலையில் பிரபுதேவா நடித்துள்ள புதிய பெயருக்கும் அதே பெயர் வைக்கப்பட்டிருப்பது கவனத்தை பெற்றுள்ளது. ஃபேண்டஸி என்னும் மாயாஜால கதைக்களத்துடன் உருவாகியுள்ள மைடியர் பூதம் திரைப்படத்தில் பிரபுதேவா பூதமாக நடிக்கிறார். நடிப்பிற்கான ஸ்கோப்பை அதிகமாக தேடி வரும் பிரபுதேவா, தற்போது களமிறங்கியிருக்கும் மை டியர் பூதம் திரைப்படத்தின் ஃபஸ்ட் லுக் போஸ்டர் கடந்த வாரம் வெளியாகி வரவேற்பை பெற்றது. அதே போல மாஸ்டர் ஓ மை மாஸ்டர் என்னும் வீடியோ பாடல் வெளியானது. அந்த பாடலில் பிரபுதேவாவின் நடன அசைவுகள் அவரது ரசிகர்களுக்கு ட்ரீட்டாக அமைந்தது.
என்.ராஜவன் இயக்கத்தில் ‘மை டியர் பூதம்’ திரைப்படம் உருவாகியுள்ளது. இதில் மாஸ்டர் அஸ்வந்த் குமார், ரம்யா நம்பீசன், பிக் பாஸ் சம்யுக்தா உள்ளிட்டோர் முக்கிய கேரக்டரில் நடிக்கின்றனர். இப்படத்துக்கு டி.இமான் இசையமைக்கிறார். அபிஷேக் பிலிம்ஸ் சார்பாக இப்படத்தை ரமேஷ் பிள்ளை தயாரிக்கிறார்.படத்திற்கு டி.இமான் இசையமைத்து வருகிறார். இந்த நிலையில் மை டியர் பூதம் திரைப்படத்தின் டிரைலர் நாளை கிருஸ்துமஸ் தினத்தை முன்னிட்டு வெளியாகவுள்ளது. அது குறித்த அறிவிப்பை படக்குழுவினர் வெளியிட்டுள்ளனர்.
பிரபுதேவா நடிப்பில் ‘தேள்’, ‘பஹீரா’, ‘யங் மங் சங்’ உள்ளிட்ட படங்களின் படப்பிடிப்பு முடிந்து வெளியீட்டுக்குத் தயாராக உள்ளன. ஷிஷ் குமார் துபே இயக்கத்தில் ஒரு படத்தில் நாயகனாக நடிக்க ஒப்பந்தமாகியுள்ளார் பிரபுதேவா. இப்படத்துக்கு ‘ஜர்னி’ என்று தலைப்பிடப்பட்டுள்ளது.அதே போல மாற்றுத்திறனாளியாக பொய்க்கால் குதிரை படத்தில் நடித்துள்ளார் பிரபுதேவா.