Just In
அஜித் மகளின் ஃபோட்டோவை பகிர்ந்து கிருஷ்ண ஜெயந்தி வாழ்த்து போட்ட திரெளபதி இயக்குநர்..!
தல அஜித்தின் மகளுடன் இருக்கும் புகைப்படத்தை போஸ்ட் செய்து வாழ்த்து தெரிவித்திருக்கிறார்
பழைய வண்ணாரப்பேட்டை திரைப்படத்தின் மூலம் தமிழ் திரைப்பட இயக்குநரான மோகன் ஜி, அதன் பிறகு திரௌபதி என்னும் திரைப்படத்தை இயக்கினார். அத்திரைப்படம் கிரவுட் ஃபண்டிங் மூலம் அவருடைய தயாரிப்பு நிறுவனம் தயாரித்திருந்தது.
அந்த திரைப்படம் சாதியையும் ஆணவக்கொலைகளையும் நியாயப்படுத்துவதாக பலர் கடுமையான எதிர்ப்பை தெரிவித்தனர். அந்த திரைப்படத்தில் நடிகர் அஜித்தின் மச்சானும் ஷாலினியின் தம்பியுமான ரிச்சர்டு கதாநாயகனாக நடித்திருந்தார். அந்த படத்தில் தொடங்கிய நட்பில், மோகன் ஜி இயக்கும் மூன்றாவது திரைப்படமான ருத்ரதாண்டவத்திலும் அவரே கதாநாயகனாக நடிக்கிறார். அந்த திரைப்படத்தின் ட்ரைலர் ஓரிரு நாட்களுக்கு முன்னர் வெளியானது. அதிலும் சாதியை உயர்த்தி பேசும் வசனங்கள் இடம்பெற்றுள்ளதாக இணையத்தில் விவாதங்கள் நடைபெற்றுக்கொண்டிருக்கின்றன.
தற்போது கிருஷ்ண ஜெயந்தியை முன்னிட்டு தல அஜித் தன்னுடைய மகளுடன் இருக்கும் புகைப்படத்தை வெளியிட்டு வாழ்த்து தெரிவித்துள்ளார் இயக்குநர் மோகன் ஜி. தன்னுடைய மகளின் புகைப்படத்தை போஸ்ட் செய்யாமல் அஜித் மகளின் போஸ்ட் செய்ததைப் பார்த்து ரசிகர்கள் உங்கள் மகளின் புகைப்படத்தை ஏன் வெளியிடவில்லை என கேட்டதற்கு, முடி இறக்கி இருப்பதாக தெரிவித்துள்ளார். அதாவது தன் மகளுக்கு மொட்டை அடித்திருப்பதால் அஜித் மகளுடன் இருக்கும் புகைப்படம் இட்டுள்ளார் என தெரிவித்தார்
இந்த திரைப்படத்தில் ரிச்சர்டுடன் இணைந்து குக் வித் கோமாளி புகழ் தர்ஷா கதாநாயகியாக நடிக்கிறார். வில்லனாக இயக்குநர் கவுதம் வாசுதேவ் மேனன் நடிக்கிறார்.