தமிழ் சினிமாவில் அடியெடுத்து வைத்து குறுகிய காலம் தான் ஆனாலும் தமிழ் சினிமா ரசிகர்கள் மத்தியில் மிகவும் பிரபலமாகிய ஒரு நடிகையாக வலம் வருகிறார் மாளவிகா மோகனன். ஆரம்பத்தில் ஹிந்தி மற்றும் மலையாள திரைப்படங்களில் நடித்து வந்த மாளவிகா மோகனன், மலையாள சினிமாவின் பிரபல ஒளிப்பதிவாளரான கே.யூ.மோகனனின் மகள் என்பது குறிப்பிடத்தக்கது. சோசியல் மீடியாவில் மிகவும் ஆக்டிவாக இருக்கும் மாளவிகா மோகனன் தற்போது பதிவிட்டுள்ள ஒரு போஸ்ட் வைரலாகி வருகிறது.
மாளவிகாவின் லேட்டஸ்ட் போஸ்ட் :
முன்னதாக, சூப்பர் ஸ்டார் ரஜினிகாந்த் நடிப்பில் வெளியான ‘பேட்ட’ திரைப்படத்தில் ஒரு சிறிய கதாபாத்திரத்தில் மட்டுமே மாளவிகா மோகனன் நடித்திருந்தாலும் நல்ல வரவேற்பை பெற்றார். இருப்பினும் மாஸ்டர் படத்தில் விஜய் ஜோடியாக நடித்ததன் மூலம் பிரபலத்தின் உச்சத்திற்கு சென்றார். தற்போது, மிகவும் பிஸியாக திரைப்படங்களில் நடித்து வரும் மாளவிகா தற்போது சிலம்பம் பயிற்சியை மேற்கொண்டு வருகிறார். அந்த வகையில் லேட்டஸ்டாக அவர் சிலம்பம் பயிற்சி செய்யும் ஒரு வீடியோ ஒன்றை இன்ஸ்டகிராமில் பகிர்ந்துள்ளார்
"சிலம்பம் எனும் அற்புதமாக உலகிற்குள் ஒரு குழந்தையாக அடியெடுத்து வைத்துள்ளேன். எனது இந்த பயணத்தை மிகவும் அற்புதமாகவும் சுவாரசியமாகவும் மாற்றியதற்கு நன்றிகள். இது என்னுடைய வாழ்க்கையின் பெரும் பகுதியை ஒழுங்காக மாற்றப்போகிறது அதனால் என்னால் மேலும் காத்திருக்க இயலாது" என்ற ஒரு குறிப்பையும் பதிவிட்டுள்ளார் மாளவிகா மோகனன்.
'தங்கலான்' படத்திற்காக பயிற்சி :
மாஸ்டர் படத்தை தொடர்ந்து 'மாறன்' படத்தில் நடித்தவர் அடித்ததாக பா. ரஞ்சித் இயக்கத்தில் விக்ரம் நடிக்கும் 'தங்கலான்' படத்தில் நடித்து வருகிறார் மாளவிகா. இப்படத்தின் படப்பிடிப்பு மிகவும் விறுவிறுப்பாக நடைபெற்று வருகிறது. அது தான் மாளவிகா மோகனன் சிலம்பம் பயிற்சியில் மிகவும் வெறித்தனமாக ஈடுபட்டுள்ளதற்கு காரணம் என கூறப்படுகிறது. அவரின் நடிப்பில் திருப்தி அடையாத இயக்குனர் ஹீரோயினை மாற்ற போவதாக தகவல் வெளியானது. அதை சரிகட்டவே மாளவிகா மிகவும் மும்மரமாக பயிற்சியை மேற்கொண்டு வீடியோவையும் வெளியிட்டு ரசிகர்கள் மத்தியில் பாராட்டுகளை குவித்து வருகிறார்.