வாக்கு கொடுத்ததைப்போலவே நாளைக்கு மாலை 6 மணிக்கு, தனது திருமண வீடியோவை வெளியிடுவதாக இன்ஸ்டாகிராமில் தெரிவித்திருப்பதுடன், இன்ஸ்டாவில் ப்ரோமோவையும் பதிந்துள்ளார் மதன் கெளரி.
தமிழ்நாட்டில் ஏகப்பட்ட யூட்யூப் சேனல்கள் இருக்கின்றன. இருந்தாலும் சில சேனல்கள் மட்டுமே மக்கள் மனதில் இடம்பிடித்துள்ளன. அப்படிப்பட்ட சேனல்களில் ஒன்று மதன் கௌரி. மதன் கௌரி என்பவர் நடத்தி வரும் இந்த சேனல் அவர் காதல் தோல்வியில் இருந்தபோது உருவாக்கப்பட்டது. சேனல் எவ்வளவு பிரபலமாக இருக்கிறதோ அதே அளவு விமர்சனங்களையும் பெற்றிருக்கிறது. இந்நிலையில், மதன் கௌரி தனது திருமண செய்தியை தன் யூட்யூப் சேனலிலும், இன்ஸ்டாகிராம் பக்கத்திலும் ஜனவரி மாதத்தில் பகிர்ந்தார்
இதுகுறித்து அவர் பேசியபோது, “எனது திருமண செய்தியை வீட்டில் தெரிவிக்கும்போது எப்படி பதற்றமாக இருந்ததோ அதேபோல்தான் இப்போதும் இருக்கிறது. மதுரையில் நான் படிக்கும்போது நித்யா என்ற பெண் குறித்து என் நண்பர்கள் கூறுவார்கள். அதனையடுத்து சமூக வலைதளத்தில் பழக்கமானோம். இப்போது திருமணம் ஆகப்போகிறது” எனத் தெரிவித்திருந்தார்.
மேலும் தனது இன்ஸ்டாகிராம் பக்கத்தில், “சமூக வலைதளங்களில் பழகி காதலர்களாகி பிரிந்துவிட்டு மீண்டும் சேர்ந்திருக்கிறோம். இது தொடங்கி 11 வருடங்கள் ஆகின்றன. இந்த வருடத்தில் திருமணம் செய்துகொள்ள போகிறோம்” என்று பதிவிட்டுள்ளார். இதனையடுத்து அவருக்கு பலரும் தங்களது வாழ்த்தை தெரிவித்தனர்.