Leo Day 6 Box Office: விஜய்யின் லியோ திரைப்படம் வெளியான ஆறாவது நாளில், இந்தியாவில் மட்டும் சுமார் 30 கோடி ரூபாயை வசூலித்துள்ளதாக தகவல் வெளியாகியுள்ளது.


லியோ 6வது நாள் வசூல் நிலவரம்:


விஜய் நடிப்பில் லோகேஷ் கனகராஜ் இயக்கத்தில் வெளியான லியோ திரைப்படம், முதல் 5 நாட்களில் 400 கோடி ரூபாய் வசூலை கடந்துவிட்டதாக கூறப்படுகிறது. இந்நிலையில், ஆறாவது நாளில் லியோ திரைப்படம் இந்தியாவில் மட்டும் சுமார் 37 கோடி ரூபாயை வசுலித்துள்ளதாக sacnilk இணையதளத்தில் தெரிவிக்கப்பட்டுள்ளது. அதன்படி, தமிழ்நாட்டில் ரூ.21.5 கோடி, கேரளாவில் ரூ.5 கோடி,  கர்நாடகாவில் ரூ.3.5 கோடி, ஆந்திராவில் ரூ.3.5 கோடி மற்றும் இந்தியாவின் மற்ற பகுதிகளில் ரூ.3.5 கோடி என மொத்தம் 37 கோடி ரூபாய் வசூலித்துள்ளது. இதனால், லியோ படத்தின் ஒட்டுமொத்த வசூல் 450 கோடி ரூபாயை நெருங்கியுள்ளதாக தகவல்கள் தெரிவிக்கின்றன.


இனியும் தாக்குபிடிக்குமா?


பெரும் எதிர்பார்ப்புகளுக்கு மத்தியில் வெளியான லியோ திரைப்படத்திற்கு கலவையான விமர்சனங்களே கிடைத்தன. இருப்பினும் படத்தின் வசூல் குறைந்தபாடில்லை. படம் வெளியான பிறகு தொடர் விடுமுறை இருந்ததால், திரையரங்குகளில் கூட்டம் அலைமோதியது. இதனால், படத்தின் வசூலில் எந்த தாக்கமும் இல்லாமல் இருந்தது. இந்நிலையில் நேற்றுடன் விடுமுறை முடிவடைந்த நிலையில், வேலைக்கு மற்றும் கல்வி நிலையங்களுக்கு செல்வது பொதுமக்கள் தங்களது இயல்பு வாழ்க்கைக்கு திரும்பியுள்ளனர். இதனால், இதற்கடுத்த நாட்களில் படத்தின் வசூல் வெகுவாக குறைய வாய்ப்புள்ளதாகவே கருதப்படுகிறது.


லியோ திரைப்படம்:


மாஸ்டர் படத்தை தொடர்ந்து நடிகர் விஜய், இயக்குனர் லோகேஷ் கனகராஜ் மற்றும் இசையமைப்பாளர் அனிருத் கூட்டணியில் உருவான இரண்டாவது திரைப்படம் லியோ. பெரும் எதிர்பார்ப்புகளுக்கு மத்தியில் தமிழ், இந்தி, தெலுங்கு உள்ளிட்ட 5 மொழிகளில் கடந்த 19ம் தேதி உலகம் முழுவதும் வெளியானது. இதனால் திரையரங்குகள் விழாக்கோலம் பூண்டன. முதல் நாளிலேயே உலகம் முழுவதும் 148.5 கோடி ரூபாய் வசூலித்து, நடப்பாண்டில் மிகப்பெரிய ஓப்பனிங் பெற்ற படமாக லியோ திரைப்படம் உருவானது. தொடர்ந்து வெள்ளிக்கிழமை அன்று படத்தின் வசூல் பாதியாக குறைந்த நிலையில், சனிக்கிழமை முதல் தொடர் விடுமுறை தொடங்கியதால் லியோ வசூல் ரீதியாக மிகப்பெரிய வெற்றி படமாக மாறியுள்ளது.


முதல் 5 நாட்கள் வசூல் நிலவரம்:


sacnilk இணையதளத்தில் வெளியாகியுள்ள தரவுகளின் படி, லியோ திரைப்படம் முதல் நாளில் மட்டும் இந்தியாவில் 64.8 கோடி வசூலித்துள்ளது. மேலும், இரண்டாவது நாளில் 35.25 கோடி ரூபாய், மூன்றாவது நாளில் 39.8 கோடி ரூபாய், நான்காவது நாளில் 41.55 கோடி ரூபாய் மற்றும் ஐந்தாவது நாளில் 35.7 கோடி ரூபாய் வசூலித்துள்ளது. ஒட்டுமொத்தமாக இந்தியாவில் மட்டும் முதல் ஆறு நாளில் 248.6 கோடி ரூபாய் வசூலித்துள்ளதாக தெரிவிக்கப்பட்டுள்ளது.