Lal Salaam Release LIVE: அப்பாவை திரையில் செதுக்கிய ஐஸ்வர்யா: பாசிட்டிவ் விமர்சனங்களைக் குவிக்கும் லால் சலாம்!

Lal Salaam Release LIVE Updates: நடிகர் ரஜினிகாந்த் நடித்துள்ள லால் சலாம் படம் இன்று வெளியாகியுள்ள நிலையில் அப்படம் பற்றிய அப்டேட்டுகளை உடனுக்குடன் இங்கு காணலாம்.

Background

லைகா நிறுவனம் தயாரிப்பில் இயக்குநர் ஐஸ்வர்யா ரஜினிகாந்த்  இயக்கத்தில் உருவாகியுள்ள படம் “லால் சலாம்”. 3, வை ராஜா வை படத்தை தொடர்ந்து நீண்ட இடைவெளிக்குப் பின் ஐஸ்வர்யா இயக்கியுள்ளது பட அறிவிப்பு வெளியானபோதே மிகப்பெரிய எதிர்பார்ப்பை ஏற்படுத்தியது. லால் சலாம் படத்தில் விக்ராந்த் மற்றும் விஷ்ணு விஷால் இருவரும் முதன்மை வேடத்தில் நடித்துள்ளனர். மேலும் நிரோஷா, ஜீவிதா, கே.எஸ்.ரவிகுமார், செந்தில், தம்பி ராமையா உள்ளிட்ட பலரும் இடம் பெற்றுள்ளனர். அதுமட்டுமல்லாமல் இப்படத்தில் மிக நீண்ட இடைவெளிக்குப் பின் நடிகர் ரஜினிகாந்த் “மொய்தீன் பாய்” என்ற கேரக்டரில் சிறப்பு தோற்றத்தில் நடித்துள்ளார். அதேபோல் முன்னாள் இந்திய அணியின் கேப்டன் கபில்தேவ்வும் முக்கிய கேரக்டரில் நடித்துள்ளார். ஏ.ஆர்.ரஹ்மான் இசையமைத்துள்ள லால் சலாம் படம் பிப்ரவரி 9 ஆம் தேதி வெளியாகிறது. கடந்த டிசம்பர் 12 ஆம் தேதி ரஜினி பிறந்தநாளன்று இதனிடையே கடந்த ஜனவரி 26 ஆம் தேதி சாய் ராம் கல்லூரியில் வைத்து இப்படத்தின் இசை வெளியீட்டு விழா நடைபெற்றது. இந்நிலையில் பெரும் எதிர்பார்ப்புகளுக்கிடையே லால் சலாம் படத்தின் ட்ரெய்லர்  கடந்த பிப்ரவரி 5 ஆம் தேதி வெளியாகி மிகப்பெரிய அளவில் ரசிகர்களிடத்தில் வரவேற்பை பெற்றது. இந்நிலையில் லால் சலாம் படம் இன்று உலகமெங்கும் தியேட்டரில் வெளியாகியுள்ளது. இதுதொடர்பான கொண்டாட்டங்கள் நள்ளிரவு முதல்  ஆரம்பமானது குறிப்பிடத்தக்கது. 

09/02/2024 13:19:00

Lal Salaam Release LIVE : லால் சலாம் படத்தை கேக் வெட்டிக் கொண்டாடிய மலேசியா ரஜினி ரசிகர்கள்

லால் சலாம் படத்தை தமிழ்நாடு, கேரளா, மற்றும் ஆந்திரா ரசிகர்கள் கோலாகலமாக கொண்டாடி வரும் நிலையில் மலேசியாவில் ரஜினி ரசிகர்கள் கேக் வெட்டி கொண்டாடியுள்ளார்கள்.

09/02/2024 13:06:18

Lal Salaam Release LIVE : ரஜினிக்கும் குரல் கொடுத்த சாய்குமார்..தெலுங்கு ரசிகர்களுக்கு ஒரு ஸ்பெஷல் சம்பவம்

தெலுங்கு மொழியில் வெளியாகும் ரஜினி படங்களுக்கு பின்னணி பாடகர் மனோ ரஜினிக்கு டப்பிங்க் செய்துவந்தார். தற்போது லால் சலாம் படத்திற்கு ரஜினிக்கு சாய்குமார் குரல் கொடுத்துள்ளார்.  தெலுங்கு ரசிகர்களுக்கு லால் சலாம் ஒரு புது அனுபவமாக இருக்கப் போகிறது

09/02/2024 12:52:13

Lal Salaam Release LIVE : ஐஸ்வர்யா ரஜினிகாந்த் பதித்த கொடியுடன் ரசிகர்கள்...திருச்சியில் லால் சலாம் கொண்டாட்டம்

திருச்சியில் லால் சலாம் படத்திற்கு ரஜினி ரசிகர்கள் ஐஸ்வர்யா ரஜினிகாந்தின் முகம் பதித்த கொடியுடன் சென்றுள்ளார்கள்

09/02/2024 12:26:34

Lal Salaam Release LIVE : மிக முக்கியமா ஒரு படம்...லால் சலாம் படத்தின் மெசேஜ் என்ன?

இந்து முஸ்லிம்களுக்கு இடையிலான ஒற்றுமையை படம் மிகவும் உணர்வுப்பூர்வமாக சொல்லியிருப்பதாக லால் சலாம் படத்தை ரசிகர்கள் பாராட்டி வருகிறார்கள்

09/02/2024 12:25:05

Lal Salaam Release LIVE : கெஸ்ட் இல்ல ஹீரோவே அவர் தான்...லால் சலாம் படத்தை பாராட்டும் ரசிகர்கள்

லால் சலாம் படத்தின் முதல் காட்சி முடிவடைந்துள்ள நிலையில் படத்தின் விமர்சனங்கள் வெளியாகியுள்ளன. படத்தின் இரண்டாம் பாதி முழுவது ரஜினி வருவதாகவும் மொய்தீன் பாயாக நடிப்பில் அசத்தியுள்ளதாகவும் ரசிகர்கள் எக்ஸ் தளத்தில் பதிவிட்டு வருகிறார்கள்.

09/02/2024 12:09:22

Lal Salaam Release LIVE : 3 லட்சம் செலவில் மலர் மாலை..ரோகிணி திரையரங்கில் ரஜினி ரசிகர்கள் கொண்டாட்டம்

லால் சலாம் படத்தின் ரிலீஸை ஒட்டி சென்னை ரோகிணித் திரையரங்கில் ரஜினிக்கு 50 அடி உயரத்தில் கட் அவும் வைக்கப் பட்டு 3 லட்ச ரூபாய் செலவில் மலர் மாலை போடப் பட்டுள்ளது

09/02/2024 11:28:02

Lal Salaam Release LIVE : லால் சலாம் படத்தின் இயக்குநர் ஐஸ்வர்யா ரஜினிகாந்தை புகழ்ந்த நடிகர் எஸ் ஜே சூர்யா

லால் சலாம் பட இயக்குநர் ஐஸ்வர்யா ரஜினிகாந்தை நடிகர் எஸ்.ஜே சூர்யா புகழ்ந்துள்ளார். தனது தந்தையின் உடல்நிலை சரியில்லாதபோது அவர் சிங்கம் போல் வேலை செய்ததை ஒரு முக்கியமான வி.ஐ.பி தன்னிடம் கூறியதாக எஸ்.ஜே சூர்யா தெரிவித்துள்ளார்.

09/02/2024 11:06:49

Lal Salaam Release LIVE : ரோஹிணியில் நடிகர் விஷ்ணு விஷால்!

லால் சலாம் படத்தில் முன்னணி கதாபாத்திரத்தில் நடித்துள்ள விஷ்ணு விஷால் படத்தை காண, ரோஹிணி திரையரங்கிற்கு சென்றுள்ளார்.  ரஜினிகாந்தின் டைட்டில் கார்ட் வரும் போது கைத்தட்டி கொண்டாடினார்

 

09/02/2024 10:59:45

Lal Salaam Release LIVE : மதுரையை சேர்ந்த தீவிர ரஜினி ரசிகர்கள்!

லால்சலாம் படத்திற்கு ரஜினி வேடத்தில் வந்த மதுரையை சேர்ந்த ரஜினி ரசிகர் முத்துக்குமார்.

09/02/2024 10:45:56

Lal Salaam Release LIVE: தரமான காட்சிகள் நிறைந்துள்ளது!

ஏ.ஆர்.ரஹ்மானின் இசையும் ரஜினியின் ஸ்கீரின் ப்ரெசன்ஸும், ரசிகர்களை ஆள்கிறது. ரஜினியின் இண்ட்ரோ காட்சியும் சண்டை காட்சியும் பிரமாதம் - பொது மக்களின் கருத்து

09/02/2024 10:42:39

Lal Salaam Release LIVE: முதல் பாதி எப்படி இருக்கு?

நேர்த்தியான காட்சிகள் அதற்கேற்ற வசனங்கள் என முதல் பாதி திருப்தியாக உள்ளது - ஏபிபி விமர்சனம்

09/02/2024 10:28:49

Lal Salaam Release LIVE : கேமியோ ரோலுக்கே இப்படியா?

நடிகர் ரஜினி, லால் சலாம் படத்தில் சிறப்பு தோற்றத்தில் நடித்திருந்தாலும், ரோஹிணி திரையரங்கில் கொண்டாட்டம் களைகட்டியது. 

 

09/02/2024 09:59:13

Lal Salaam Release LIVE: ரஜினிக்கு வாழ்த்து தெரிவித்த அஜித் ரசிகர்கள்!

“அஜித் ரசிகர்கள் சார்பாக லால் சலாம் படம் வெற்றி பெற வாழ்த்துகள்” - விடாமுயற்சி நாயகனின் ரசிகர்கள் 

09/02/2024 09:52:58

Lal Salaam Release LIVE : ரஜினியின் அன்பு தாயாக மாறிய ஆசை மகள் ஐஸ்வர்யா!

மூத்த மகள் ஐஸ்வர்யா இயக்கத்தில், லால் சலாம் படத்தில் சிறப்பு தோற்றத்தில் நடித்த ரஜினிகாந்த், ட்விட்டரில் ஸ்பெஷல் பதிவை ஷேர் செய்துள்ளார்.

09/02/2024 09:50:22

Lal Salaam Release LIVE : மலர் மாலை அலங்காரத்தில் பளபளக்கும் ரஜினியின் கட்-அவுட்!

சென்னை ரோஹிணி திரையரங்கத்தில், அண்ணாந்து பார்க்கும் அளவிற்கு உள்ள கட்-அவுட்டிற்கு பூ மாலை அலங்காரம் செய்யப்பட்டுள்ளது.

09/02/2024 09:46:30

Lal Salaam Release LIVE : ஏ.ஆர்.ரஹ்மானின் இசை வேற மாதிரி!

படக்கதைக்கும் படத்தில் இருக்கும் கதாபாத்திரங்களுக்கும் ஏ.ஆர். ரஹ்மானின் இசை உயிரூட்டியுள்ளது என பொது மக்களுள் ஒருவர் தெரிவித்துள்ளார். 

09/02/2024 09:39:31

Lal Salaam Release LIVE : வெற்றி திரையரங்கில் ரஜினியின் மாஸ் கட்-அவுட்!

சென்னை குரோம்பேட்டையில் உள்ள வெற்றி திரையரங்கத்தில், லால் சலாம் படத்தில் மொய்தீன் பாயாக நடித்து இருக்கும் ரஜினியின் உயரமான கட்-அவுட் வைக்கப்பட்டுள்ளது.

09/02/2024 09:34:20

Lal Salaam Release LIVE: எம்மதமும் எங்களுக்கு சம்மதம்!

லால் சலாம் படத்தின் ரிலீஸையொட்டி மதநல்லிணக்கத்தை உறுதிப்படுத்தும் வகையில், வேலூரில் அனைத்து மதத்தினரும் ஒன்றாக வழிபாடு செய்துள்ளனர்.

09/02/2024 09:29:27

Rajinikanth Cameo : ரஜினிகாந்தின் கெஸ்ட் ரோல் கதாபாத்திரங்கள்!

தெரிந்துக்கொள்ள கீழே கொடுக்கப்பட்டுள்ள லிங்கை க்ளிக் செய்யவும்.

ஹீரோவாக மட்டுமல்லாமல் கெஸ்ட் ரோலிலும் கலக்கிய ரஜினிகாந்த்.. என்னென்ன படங்கள் தெரியுமா?

09/02/2024 09:28:05

Lal Salaam Release LIVE: மாஸ் செய்தாரா மொய்தீன் பாய்?

மதத்தை மனிதநேயம் வென்றதா? தெரிந்துக்கொள்ள கீழே கொடுக்கப்பட்டுள்ள லிங்கை க்ளிக் செய்யவும்.

லால் சலாம் ட்விட்டர் விமர்சனம் 

09/02/2024 09:14:11

Lal Salaam Release LIVE : படக்காட்சிகளை பகிர வேண்டாம் - ரஜினி ரசிகர்கள் வேண்டுகோள்

முதல் நாள் முதல் காட்சி பார்க்கும் ஆர்வத்தில், படக்காட்சிகளை இணையத்தில் பதிவிட்டு ஸ்பாய்லர் செய்ய வேண்டாம் என ரஜினி ரசிகர்கள் வேண்டுகோள் விடுத்துள்ளனர். 

09/02/2024 09:09:53

Lal Salaam Release LIVE : 1 மணிநேரத்திற்கு தரிசனம் தரும் மொய்தீன் பாய்!

விக்ராந்த், விஷ்ணு விஷால் உடன் இணைந்து சிறப்பு தோற்றத்தில் நடித்துள்ள ரஜினிகாந்தின் காட்சிகள் சுமார் 1 மணி நேரம் உள்ளதாக ரசிகர்கள் தெரிவித்துள்ளனர். மொய்தீன் பாயின் தரிசனத்தை நீண்ட நேரம் கண்டதால் மகிழ்ச்சியாக இருக்கிறது என்றும் தெரிவித்துள்ளனர். 

09/02/2024 09:49:00

Lal Salaam Release LIVE: ரோஹிணி திரையரங்கில் உணவு வழங்கும் ரஜினி ரசிகர்கள்!

லால் சலாம் படத்தின் முதல் நாள் முதல் காட்சி தொடங்கும் முன்னர், ரஜினியின் ரசிகர்கள் சென்னை கோயம்பேட்டில் அமைந்துள்ள ரோஹிணி திரையரங்கில் இருந்தவர்களுக்கு இலவச உணவு வழங்கினர்.

 

09/02/2024 08:54:42

Lal Salaam Release LIVE : அமெரிக்காவில் களைகட்டும் லால் சலாம்!

ஐஸ்வர்யா ரஜினிகாந்தின் இயக்கத்தில் உருவான லால் சலாம் படத்தின் சிறப்பு காட்சி நேற்று அமெரிக்கா மற்றும் கனடாவில் திரையிடப்பட்டுள்ளது. அங்கு வாழும் தமிழ் மக்களும் ரஜினி ரசிகர்களும் படத்தை கொண்டாடி வருகின்றனர். 

09/02/2024 08:50:29

Lal Salaam Release LIVE: மொய்தீன் பாய் கெட்-அப்பில் கலக்கும் ரசிகர்!

ரஜினியின் செய்தி தொடர்பாளர் மற்றும் தீவிர ரசிகரான ரியாஸ், மொய்தீன் பாய் கெட்-அப் போட்டு படம் பார்க்க ரெடியாக உள்ளார். 

09/02/2024 08:44:47

Lal Salaam Release LIVE: ட்விட்டர் ட்ரெண்டிங்கில் லால் சலாம்!

இன்று லால் சலாம் வெளியாகியுள்ள நிலையில், படத்தை பார்த்து வரும் ரசிகர்கள் பலர் ட்விட்டரில் ரஜினியையும் மற்ற படக்குழுவினரையும் ட்ரெண்ட் செய்து வருகின்றனர்.

09/02/2024 08:34:21

Lal Salaam Release LIVE: திரையரங்குகளை ஆளும் ரஜினிகாந்த்!

ட்விட்டர் பக்கத்தில் எங்கு சென்றாலும், “தலைவரு மாஸ்”, “தலைவரு நிரந்தரம்”, ”லால் சலாம் வேற மாதிரி..” போன்ற கருத்துக்களையே பார்க்க முடிகிறது. 

09/02/2024 08:20:19

Lal Salaam Release LIVE: லால் சலாமுக்காக தனுஷ் பகிர்ந்த ட்வீட்!

பிரிந்த மனைவி ஐஸ்வர்யாவின் இயக்கத்தில் உருவாகியுள்ள லால் சலாம் திரைப்படத்துக்காக நடிகர் தனுஷ் ட்வீட் செய்துள்ளார். தீவிர ரஜினிகாந்த் ரசிகரான தனுஷ், “இன்று முதல் லால் சலாம்” எனப் படத்தினை எதிர்நோக்கி ஆர்வத்துடன் பதிவிட்டுள்ளார்.

 

09/02/2024 08:14:25

Lal Salaam Release LIVE: காலை 9 மணிக்குத் தொடங்கும் முதல் காட்சி

தமிழ்நாட்டில் லால் சலாம் திரைப்படத்தின் முதல் காட்சி காலை 9 மணிக்குத் தொடங்க உள்ள நிலையில், ரஜினிகாந்த் ரசிகர்களால் திரையரங்குகள் விழாக்கோலம் பூண்டுள்ளன.

09/02/2024 08:12:43

Lal Salaam Release LIVE: தலைவரு நிரந்தரம்! பாசிட்டிவ் விமர்சனங்களைக் குவிக்கும் வெளிநாட்டு, வெளிமாநில ரசிகர்கள்!

லால் சலாம் திரைப்படம் சிறப்பாக வந்திருப்பதாகவும், குறிப்பாக ரஜினிகாந்தின் ஸ்க்ரீன் ப்ரசன்ஸ் அட்டாகசமாக இருப்பதாகவும் படம் பார்த்த வெளி மாநில மற்றும் வெளிநாட்டு ரசிகர்கள் இணையத்தில் கருத்து தெரிவித்து வருகின்றனர்.

 

09/02/2024 07:52:33

Lal Salaam Release LIVE: லால் சலாம் படம் ரிலீஸை முன்னிட்டு சென்னையில் ரஜினிக்கு வைக்கப்பட்ட பிரமாண்ட கட் அவுட்

09/02/2024 08:04:46

Lal Salaam Release LIVE: லால் சலாம் கொண்டாட்டம்.. வெளி மாநிலங்களில் இருந்து சென்னை வரும் ரசிகர்கள்

நடிகர் ரஜினிகாந்த் சிறப்பு தோற்றத்தில் நடித்துள்ள லால் சலாம் படம் இன்று வெளியாகும் நிலையில், தமிழ்நாட்டில் நடைபெறும் ரசிகர்களின் கொண்டாட்டத்தை காண வெளி மாநில ரசிகர்கள் பலரும் சென்னைக்கு வருகை தந்துள்ளனர். சிறப்புத் தோற்றத்தில் நடித்தாலும் இது ரஜினியின் படம் தான் என அவர்கள் உற்சாகம் பகுதியில் கருத்து தெரிவித்துள்ளனர்.

09/02/2024 07:18:55

Lal Salaam Release LIVE: லால் சலாம் படம் ரிலீஸ்- களைகட்டிய ரசிகர்களின் கொண்டாட்டங்கள்

நடிகர்கள் ரஜினிகாந்த்,விஷ்ணு விஷால்,விக்ராந்த் உள்ளிட்ட பலரும் நடித்துள்ள லால் சலாம் படம் இன்று வெளியாகிறது. இதனால் நள்ளிரவு முதலே தியேட்டரில் கொண்டாட்டங்கள் களைகட்டி வருகின்றன.

09/02/2024 06:56:52

Lal Salaam Release LIVE: 16 ஆண்டுகளுக்குப் பின் சிறப்பு தோற்றத்தில் நடித்த ரஜினிகாந்த்

16 ஆண்டுகளுக்குப் பின் நடிகர் ரஜினிகாந்த் லால் சலாம் படத்தில் சிறப்பு தோற்றத்தில் நடித்துள்ளார். தமிழில் கடைசியாக 2008 ஆம் ஆண்டு வெளியான குசேலன் படத்தில் அவர் சிறப்பு தோற்றத்தில்  நடித்திருந்தார்.