விக்னேஷ் சிவன் இயக்கத்தில் நயன்தாரா, விஜய் சேதுபதி, சமந்தா உள்ளிட்ட முன்னணி நட்சத்திரங்களின் நடிப்பில் உருவாகி வரும் திரைப்படம் ‘காத்துவாக்குல ரெண்டு காதல்’ .இந்த படத்திற்கு முன்னதாக விக்னேஷ் சிவன் இயக்கத்தில் , நயன்தாரா மற்றும் விஜய் சேதுபதி நடிப்பில் உருவாகியிருந்த திரைப்படம் ’நானும் ரவுடிதான்’. நயன்தாரா நடிப்பில் விக்னேஷ் சிவன் தயாரிப்பில் சமீபத்தில் ஒடிடியில் வெளியான ‘நெற்றிக்கண்’ திரைப்படம் ரசிகர்கள் மத்தியில் நல்ல வரவேற்பை பெற்றது. குறிப்பாக நயன்தாராவின் நடிப்பை ரசிகர்கள் பாராட்டி தள்ளினர். இந்நிலையில் முழு வீச்சில் காத்து வாக்குல ரெண்டு திரைப்படத்தை நடித்து கொடுக்க இறங்கியுள்ளார் நயன்தாரா. இந்த படத்தை செவன் ஸ்க்ரீன் ஸ்டுடியோவுடன் இணைந்து நயன்தாரா மற்றும் விக்னேஷ் சிவனுக்கு சொந்தமான ரௌடி பிக்சர்ஸ் நிறுவனமும் படத்தை தயாரித்து வருகிறது படத்தை அக்டோபர் மாதம் ரிலீஸ் செய்ய திட்டமிட்டுள்ளார்கள்.படத்திற்கு இசையமைக்கிறார் அனிருத் . இந்நிலையில் ’காத்து வாக்குல ரெண்டு ‘ திரைப்படத்தின் அடுத்தக்கட்ட படப்பிடிப்பு தற்போது பாண்டிச்சேரியில் நடைப்பெற்று வருகிறது. இந்நிலையில் நயன்தாரா பிரபல ஹோட்டல் ஒன்றில் ஷூட்டிங்கிற்காக முகாமிட்டுள்ளார்.காலை படிப்பிடிப்பு தளம் செல்வதற்காக காரில் ஏற வந்த நயன்தாராவை ரசிகர்கள் சூழந்துக்கொண்டு செல்ஃபி எடுக்க முயன்றுள்ளனர். எதிர்பாராத ரசிகர் கூட்டத்தை சமாளிக்க முடியாமல் , நயன்தாரா காரில் ஏறிச்சென்ற காட்சிகள் தற்போது வைரலாகி வருகின்றன.
மிகுந்த எதிர்பார்ப்புக்கு மத்தியில் உருவாகி வரும் காத்து வாக்குல ரெண்டு திரைப்படத்தின் முதற்கட்ட படப்பிடிப்பு சென்னை , ஐதராபாத் உள்ளிட்ட இடங்களில் நடந்து முடிந்துள்ளது. கொரோனா இரண்டாம் அலை காரணமாக அடுத்தக்கட்ட படப்பிடிப்பை படக்குழுவினர் நிறுத்தி வைத்திருந்தனர். தற்போது படத்தை விரைந்து முடிக்க இயக்குநர் விக்னேஷ் சிவன் திட்டமிட்டுள்ளாராம். இது ஒரு புறம் இருக்க பி.எஸ். வினோத்ராஜ் இயக்கத்தில் ரௌடி பிக்சர்ஸ் தயாரிப்பில் உருவான கூழாங்கல் திரைப்படம் பல விருதுகளை குவித்து வருகிறது. இதனால் செம குஷியில் உள்ளார்களாம் விக்கியும் நயனும். ரோட்டர்டாம் திரைப்பட விழாவில் டைகர் விருதை பெற்றுள்ளது. டைகர் விருதை பெற்ற முதல் தமிழ் த் IFFSA டொரண்டோ விழா மற்றும் மெல்போர்ன் சர்வதேச திரைப்பட விழா கூழாங்கல் தேர்வு செய்யப்பட்டிருக்கிறது. அங்கும் தங்களது படம் நிச்சயம் பார்வையாளர்களை கவரும் என்ற நம்பிக்கையில் உள்ளார்களாம் விக்கி , நயன் உள்ளிட்ட படக்குழுவினர். கூழாங்கல் திரைப்படத்திற்கு யுவன் சங்கர் ராஜா இசையமைத்துள்ளார் என்பது குறிப்பிடத்தக்கது.