இயக்குநர்கள் புஷ்கர் - காயத்ரி தயாரிப்பில், அமேசான் ஓடிடி தளத்தில் வெளியான வெப் சீரிஸ் 'வதந்தி'. எஸ்.ஜே.சூர்யா முதன்மை கதாபாத்திரத்தில் நடித்த இந்த தொடரில் லைலா, ஸ்மிருதி வெங்கட், குமரன் தங்கராஜன், விவேக் பிரசன்னா, நாசர் உள்ளிட்டோரின் நடிப்பில் தமிழ், தெலுங்கு, இந்தி, மலையாளம், கன்னடம் என அனைத்து மொழிகளிலும் டிசம்பர் 2ம் தேதி வெளியாகி ரசிகர்கள் மத்தியில் நல்ல வரவேற்பை பெற்றது.
வைரலாகும் லைலா - குமரன் ரீல் :
இந்த வெப் சீரிஸ் மூலம் இணைந்து நடித்த குமரன் தங்கராஜன் மற்றும் நடிகை லைலா இருவரும் இணைந்து ரீல்ஸ் செய்து அதை இன்ஸ்டாகிராம் பக்கத்தில் வெளியிட்டுள்ளனர். இந்த வீடியோ தற்போது சோசியல் மீடியாவில் மிகவும் வைரலாகி வருகிறது. 'அள்ளித்தந்த வானம்' திரைப்படத்தில் லைலா - பிரபுதேவாவின் சூப்பர் ஹிட் பாடலான கண்ணாலே மியா மியா... பாடலுக்கு குமரன் மற்றும் லைலா இணைந்து கியூட்டாக ரீல்ஸ் செய்துள்ளனர். இந்த வீடியோ தற்போது சோசியல் மீடியாவில் மிகவும் வைரலாக பகிரப்பட்டும் லைக்ஸ்களை குவித்தும் வருகிறது.
லைலா ரீ என்ட்ரி :
தமிழ் சினிமாவின் கியூட்டான நடிகைகளில் ஒருவர் நடிகை லைலா. அவரின் அழகான சிரிப்பும் துறுதுறு நடிப்பின் மூலம் லைலா எளிதில் ரசிகர்களின் கவனத்தை ஈர்த்தவர். பல ஆண்டுகளுக்கு பிறகு மீண்டும் சினிமாவில் ரீ என்ட்ரி கொடுத்துள்ள நடிகை லைலா, கார்த்தியின் சர்தார் திரைப்படத்திற்கு பிறகு 'வதந்தி' வெப் சீரிஸ் தொடரில் நடித்திருந்தார்.
பாண்டியன் ஸ்டோர்ஸ் பிரபலம் :
பாண்டியன் ஸ்டோர்ஸ் சீரியலில் கதிர் என்ற கதாபாத்திரம் மூலம் மிகவும் பிரபலமான நடிகர் குமரன் தங்கராஜன் அடிப்படையில் ஒரு டான்ஸ் கோரியோகிராபராக இருந்தவர். டான்ஸ் ஷோக்களில் போட்டியாளராகவும் பங்கேற்றவர். ஒரு சில திரைப்படங்கள் மற்றும் தொலைக்காட்சி தொடர்களில் நடித்திருந்தாலும் இவர் மிகவும் பிரபலமானது பாண்டியன் ஸ்டோர்ஸ் சீரியலுக்கு பிறகு தான். சீரியலில் சிறப்பாக நடித்து வந்த குமரனுக்கு வதந்தி வெப் சீரிஸ் தொடரில் நடிக்க வாய்ப்பு கிடைத்து அதிலும் அவர் சிறப்பாக நடித்துள்ளார்.