தீபாவளி இன்று வெகு விமர்சையாக கொண்டாடப்படுகிறது. உலகம் முழுவதும் உள்ள இந்தியர்கள் பட்டாசு வெடித்தும் , புத்தாடை அணிந்தும் தீபாவளியை வெகு விமர்சையாக கொண்டாடி வருகின்றனர். அந்த வகையில் திரைப் பிரபலங்களும் தங்களது ரசிகர்களுக்கு பிறந்த நாள் வாழ்த்துகளை தெரிவித்துள்ளனர்.
அந்த வகையில் நடிகர் கார்த்தி தனது ட்விட்டர் பக்கத்தி “ இந்த தீபாவளியை நாம் மன அமைதியோடும் அன்போடும் கொண்டாடுவோம்..இந்த கொண்டாட்டம் மூலம் அடுத்த வருடத்திற்கான நேர்மறை எண்ணத்தை எடுத்து செல்வோம்.அனைவருக்கும் தீபாவளி நல்வாழ்த்துகள்” என குறிப்பிட்டுள்ளார்.
அதேபோல நடிகர் தனுஷ் தனது ட்விட்டர் பக்கத்தில் “ அனைவருக்கும் இனிய தீபாவளி நல்வாழ்த்துகள்..இந்த தீபாவளி உங்களுக்கு ஒளியையும் அமைதியையும் கொண்டு வரட்டும். நல்ல ஆரோக்கியமும் அதிர்ஷ்டமும் கிடைக்கட்டும் .. ஓம் நம சிவாயா “ என தீபாவளி வாழ்த்து கூறியுள்ளார்.
அண்ணாத்த படத்தை ஒன் மேன் ஷோ என குறிப்பிட்டு , எங்களை எண்டர்டைமெண்ட் செய்வதற்கு நன்றி தலைவா ..ஒரு தலைவன் எப்போதும் தலைவாதான் என தெரிவித்த சிவகார்த்திகேயன் , அடுத்த ட்வீட்டில் அனைவருக்கும் இனிய தீபாவளி நல்வாழ்த்துகள் என தெரிவித்துள்ளார்.
நடிகர் விஜய் சேதுபதி தனது “யாதும் ஊரே யாவரும் கேளிர் “ படத்தின் ஃப்ரஸ்ட் லுக் போஸ்டரை வெளியிட்டு தீபாவளி வாழ்த்து தெரிவித்துள்ளார். படம் வருகிற டிசம்பர் மாதம் வெளியாகவுள்ளது.
அதே போல நடிகர் வடிவேலுவின் அதிகாரப்பூர்வ ட்விட்டர் பக்கம் என அறியப்படும் பக்கத்திலிருந்து , வடிவேலு தனது ரசிகர்களுக்கு தீபாவளி வாழ்த்து தெரிவித்துள்ளார்.
இவர்கள் தவிர நடிகர் விஷால் , சித்தார்த் உள்ளிட்ட பல நடிகர்கள் தங்களது ரசிகர்களுக்கு தீபாவளி வாழ்த்துக்களை தெரிவித்த வண்ணம் உள்ளனர்.