கோலிவுட் வட்டாரத்தில் அதிகம் கவனிக்கப்படுபவர்கள் விக்னேஷ் சிவன் மற்றும் நயன்தாரா ஜோடிதான். நயன்தாரா தென்னிந்திய சினிமாவில் முன்னணி நடிகையாக இருந்தாலும் அவர் சமூக வலைத்தளங்களில் ஆக்டிவாக இருப்பதில்லை குறிப்பாக அவருக்கென அதிகாரப்பூர்வ வலைத்தள பக்கங்கள் கிடையாது. எனவே அவரது புகைப்படங்களையும் ,அவர் படம் குறித்த அப்டேட்டுகளையும் காதலனான விக்னேஷ் சிவன்தான் அவ்வப்போது வெளியிட்டு வருகிறார். இன்ஸ்டாகிராம் பக்கத்தில் செம ஆக்டிவாக இருக்கும் விக்னேஷ் சிவன், அடிக்கடி வினா , விடை செஷன் நடத்துவது வழக்கம். அப்போது ரசிகர்கள் கேட்கும் கேள்விகளுக்கு பதிலளிப்பார். அந்த வகையில் நேற்று “ஞாயிற்றுக்கிழமை கேள்விகளுக்கான நேரம் , சுவாரஸ்ய கேள்விகள் மட்டும் கேளுங்கள்” என குறிப்பிட்டிருந்தார்.
அப்போது ரசிகர் ஒருவர் “ எப்போ நீங்க நயன்தாரா மேடம எப்போ திருமணம் செஞ்சுக்க போறீங்க, நாங்க ரொம்ப நாளா ஆவலோட காத்திருக்கோம் ?” என கேட்க , அதற்கு பதிலளித்த விக்னேஷ் சிவன் , “திருமணம் மற்றும் இதர வேலைகளுக்கு ரொம்ப செலவாகும் ப்ரோ.. அதனால இப்போ அதுக்கு பணம் சேத்துக்கிட்டு இருக்கோம், கொரோனாலாம் முடியட்டும்னு காத்துக்கிட்டு இருக்கோம்..” என தெரிவித்திருந்தார், விக்னேஷ் சிவன் கொடுத்த இந்த புது அப்டேட்டை கண்ட நயன்தாரா ரசிகர்கள் படு குஷியாகிவிட்டனர். இது தவிற நீங்கள் நயன்தாராவிற்கு கொடுத்த முதல் பரிசு என்ன என ஒருவர் கேட்க “ தங்கமே உன்னைத்தான் தேடி வந்தேன் பாடல் “ என பதிலளித்தார். நானும் ரௌடிதான் படத்தில் இடம்பெற்றிருந்த இந்த பாடலை விக்னேஷ் சிவன் எழுதியிருந்தார் என்பது குறிப்பிடத்தக்கது.
நயன்தாரா குறித்த ரகசியம் ஏதாவது இருக்கிறதா என்ற கேள்விக்கு பதிலளித்த அவர் ,”வீட்டில் இரவு சாப்பிட்டு முடித்தவுடன் , அனைத்து பாத்திரங்களையும் நயன்தாராதான் கழுவி வைப்பார் ” என குறிப்பிட்டார். மேலும் ”நாங்கள் குழந்தையை எதிர்பார்க்கலாமா என்று குதர்க்கமாக ஒருவர் கேள்வி கேட்க “ அது உங்களின் துணை மற்றும் உங்களின் விருப்பத்தை பொறுத்தது” என அவர் பாணியிலேயே அவருக்கு பதிலளடி கொடுத்துள்ளார் விக்னேஷ். இதேபோல மற்றொருவர் “ நீங்கள் நயன்தாராவிற்கு முத்தமிடும் புகைப்படம் இருந்தால் பகிருங்களேன்” என கேட்க, “அப்போ நான் ரொம்ப பிஸியா இருப்பேன், அந்த நேரத்துல எங்களை வேற யாராவதுதான் ஃபோட்டோ எடுக்கனும்“ என விக்னேஷ் சிவன் வெளிப்படையாக பதில் கொடுத்துள்ளார். ரசிகர்கள் பலரும் நயன்தாரா குறித்த கேள்விகளையே கேட்க , ”எல்லோரும் நயன்தாரா பற்றியே அதிகம் கேட்குறாங்களே, நீங்க எப்படி ஃபீல் பண்ணுறீங்க “ என்றார் ஒருவர் , அதற்கு பதிலளித்த விக்னேஷ் சிவன் , “ பெருமையா இருக்கு “ என பதிலளித்தார். இப்படியாக நீண்ட அந்த உரையாடலுக்கு “ போதுமான வரையில் பதிலளித்துவிட்டேன், மீண்டும் சந்திப்போம் “ என முற்றுப்புள்ளி வைத்தார் விக்னேஷ் சிவன்.