Just In
Kanguva Editor: கங்குவா படக்குழுவில் அடுத்தடுத்து மரணம் - எடிட்டர் நிஷாத் யூசுஃப் உயிரிழப்பு, காரணம் என்ன?
Kanguva Editor: சூர்யா நடிப்பில் உருவாகியுள்ள கங்குவா படத்தின் எடிட்டர் நிஷாத் யூசுஃப் உயிரிழந்த சம்பவம் அதிர்ச்சியை ஏற்படுத்தியுள்ளது.
Kanguva Editor: சூர்யா நடிப்பில் உருவாகியுள்ள கங்குவா படத்தின் எடிட்டர் நிஷாத் யூசுஃப் உயிரிழந்த சம்பவம் அதிர்ச்சியை ஏற்படுத்தியுள்ளது.
கங்குவா படத்தின் எடிட்டர் மரணம்:
இப்படத்தின் ஆர்ட் டைரக்டர் மிலன் அண்மைய்ல் உயிரிழந்த நிலையில், தற்போது எடிட்டர் காலமாகியுள்ளார். கொச்சியில் பனம்பில்லி நகரில் உள்ள அவரது குடியிருப்பில் அதிகாலை 2 மணியளவில் நிஷாத் யூசுஃப் உடல் சடலமாக கண்டெடுக்கப்பட்டது. அவரது மரணத்திற்கு காரணம் தொடர்பான அதிகாரப்பூர்வ தகவல் எதுவும் தற்போது வரை வெளியாகவில்லை. நிஷாத் யூசுஃப்பின் திடீர் மரணத்தை கேரள திரைப்பட ஊழியர் சம்மேளனம் (FEFKA) இயக்குநர்கள் சங்கம் அவர்களின் அதிகாரப்பூர்வ பேஸ்புக் பக்கத்தில் உறுதி செய்துள்ளது.
நிசாத் யூசுஃப்பின் திரைப்பயணம்:
நிஷாத்தின் சோக மரணம் குறித்த செய்தி அறிந்த அவரது ரசிகர்களும் மலையாளம் மற்றும் தமிழ் திரையுலகினரும் சமூக வலைதளங்களில் இரங்கல் தெரிவித்து வருகின்றனர். இவர் மலையாளத்தில் தல்லுமாலா, ஒன், உண்டா, சவுதி வெல்லக்கா போன்ற படங்களில் பணியாற்றியுள்ளார். மேலும் ஆர்ஜே பாலாஜி இயக்கத்தில் சூர்யா நடிக்க உள்ள, சூர்யா 45 படத்திலும் நிஷாத் யூசுஃப் பணியாற்ற இருந்தது குறிப்பிடத்தக்கது. மேலும், மம்முட்டியின் பசூக்கா படத்திலும் எடிட்டராக பணியாற்ற இருந்தது குறிப்பிடத்தக்கது.
2022 ஆம் ஆண்டில், விமர்சன ரீதியாகப் பாராட்டப்பட்ட தல்லுமாலா திரைப்படத்தில் தனது விதிவிலக்கான பணிக்காக சிறந்த எடிட்டருக்கான கேரள மாநில விருதை நிஷாத் யூசுப் பெற்றுள்ளார். 43 வயதான நிஷாத் யூசுஃப்புக்கு மனைவி, ஒரு மகன் மற்றும் ஒரு மகள் உள்ளனர்.