விக்ரம்' என்ற ஆக்ஷன் என்டர்டெய்னர் படத்தில் நடிகராக இருந்து அரசியல்வாதியாக மாறிய கமல்ஹாசன் நீண்ட நாட்களுக்கு பிறகு பவர் பேக்கான நடிப்பை வெளிப்படுத்தினார். இவரது நடிப்பிற்கு கிடைத்த மிகப்பெரிய அன்பளிப்பாக இந்த திரைப்படம் வெளியாகி 4 நாட்களில் உலகம் முழுவதும் ரூ 175 கோடி வசூல் செய்துள்ளது.
இப்படத்தின் மாபெரும் வெற்றியைக் கொண்டாடும் வகையில், கமல்ஹாசன் தனது இயக்குநர் லோகேஷ் கனகராஜுக்கு லெக்ஸஸ் காரைப் பரிசாக வழங்கியதுடன், அது தொடர்பான புகைப்படமும் சமூக வலைதளங்களில் வைரலாகி வந்தது. இதையடுத்து, லோகேஷ் கனகராஜ் தனது ட்விட்டர் பக்கத்தில், "தேங்க் யூ சோ மச் ஆண்டவரே" என்று பதிவிட்டுள்ளார்.
மேலும், இயக்குநர் லோகேஷ் கனகராஜுக்கு கமல்ஹாசன் காரை பரிசாக வழங்கியதை தொடர்ந்து, விக்ரம் படத்தில் உதவி இயக்குநராக பணிபுரிந்த 13 பேருக்கும் தலா ஒரு அப்பாச்சி ஆர்டிஆர் 160 மோட்டார் பைக்கை உலகநாயகன் பரிசாக அளித்துள்ளதாக தகவல் வெளியாகியது.
இந்தநிலையில், நடிகர் கமல்ஹாசன் கார் மற்றும் பைக்கை பரிசளித்ததை தொடர்ந்து சமூக வலைதளங்களில் நெட்டிசன்கள் பல்வேறு விதமான காமெடி மீம்ஸ்களை ட்ரெண்ட் செய்து வருகின்றனர். அதில் ஒரு சிலவற்றை கீழே காணலாம்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்