விக்ரம் படத்தின் 23 ஆம் நாள் வசூல் விவரங்கள் வெளியாகியுள்ளது.
கமல்ஹாசன் நடிப்பில் வெளியான விக்ரம் திரைப்படம் உலக அளவில் 400 கோடி வசூலித்துள்ளதாக தகவல் வெளியாகியுள்ளது. தமிழகத்தில் அதிகம் வசூல் செய்த படங்களின் பட்டியலிலும் முதலிடத்தை பிடித்திருக்கிறதாம். படம் வெளியாகி 23 நாட்கள் ஆன நிலையில் இந்தியாவில் மட்டும் விக்ரம் திரைப்படம் 223.03 வசூலித்துள்ளதாக சொல்லப்படுகிறது. இன்றைய தினம் மட்டும் விக்ரம் திரைப்படம் இந்தியாவில் 3 கோடி வசூலித்திருக்கிறதாம்.
விக்ரம்’படம் பிரமாண்ட வெற்றியை பெற்றதையடுத்து அந்தப்படத்தின் இயக்குநர் லோகேஷூக்கு காரும், துணை இயக்குநர்களுக்கு பைக்கும், நடிகர் சூர்யாவுக்கு தான் அணிந்திருந்த ரோலக்ஸ் வாட்சும் பரிசளித்து ரசிகர்களை நெகிழ்ச்சியில் ஆழ்த்தினார் கமல்ஹாசன். இதனைத்தொடர்ந்து விக்ரம் படத்தின் வெற்றி விழா கொண்டாட்டம் சென்னையில் உள்ள மெட்ராஸ் கிளப்பில் பிரமாண்டமாக நடைபெற்றது. இந்நிகழ்ச்சியில் நடிகர் கமல்ஹாசன், இயக்குநர் லோகேஷ் கனகராஜ், உதயநிதி ஸ்டாலின், இசையமைப்பாளர் அனிருத் மற்றும் படத்தின் விநியோகஸ்தர்கள் கலந்து கொண்டனர் அவர்களுக்கு கமல்ஹாசன் முத்தம் கொடுத்த புகைப்படம் சமூக வலைத்தளங்களில் வைரலானது.