தமிழ் திரையுலகின் முன்னணி நடிகராக வலம் வருபவர் நடிகர் விஜய் சேதுபதி. கதாநாயகன் பாத்திரம் மட்டுமின்றி பல வில்லன் உள்ளிட்ட கதாபாத்திரங்களில் விஜய் சேதுபதி நடித்து வருகிறார். விஜய் சேதுபதி தற்போது “காத்து வாக்குல ரெண்டு காதல்” என்ற படத்தில் நடித்து வருகிறார். விக்னேஷ் சிவன் இயக்கி வரும் இந்த படத்தில் நடிகர் விஜய் சேதுபதிக்கு ஜோடியாக நடிகைகள் நயன்தாரா மற்றும் சமந்தா நடிக்கின்றனர்.
விஜய் சேதுபதி, நயன்தாரா மற்றும் சமந்தா இணைந்து நடிப்பதால் இந்த படத்தின் மீது மிகுந்த எதிர்பார்ப்பு ஏற்பட்டுள்ளது. இப்படத்தில் டீசர் இன்று வெளியானது. இருவரையும் காதலித்து நடுவில் மாட்டித்தவிக்கும் ஹீரோவாக விஜய் சேதுபதி அதகளப்படுத்தியுள்ளார். டீசர் ரசிகர்களிடையே நல்ல வரவேற்பை பெற்றுள்ளது. ஏப்ரல்28ம் தேதி இப்படம் திரையரங்குகளில் வெளியாகவுள்ளது. படத்தில் டீசருக்கு பல்வேறு தரப்பினரும் வாழ்த்துகளை தெரிவித்து வருகின்றனர். நிச்சயம் நானும் ரெளடிதான் மாதிரியான காமெடி,காதல், செண்டிமெண்ட் கலந்த சூப்பர் படைப்பை விக்னேஷ்சிவன் கொடுப்பார் என ரசிகர்கள் குறிப்பிட்டுள்ளனர்