பாலிவுட்டில் வளர்ந்து வரும் இளம் நடிகை ஜான்வி கபூர். இவர் நடிகை ஸ்ரீதேவி, போனி கபூரின் மகள் ஆவார். இவர் தற்போது பாலிவுட்டில் தொடர்ந்து படங்களை கொடுத்து வருகிறார். தான் பாலிவுட்டில் இருந்தாலும் தென் இந்திய சினிமாக்களை தொடர்ந்து பார்த்து வருகிறேன் என தெரிவித்த ஜான்விக்கு தென் இந்தியாவிலும் ரசிகர்கள் உண்டு.
மலையாளத்தில் வெளியாகி ஹிட்டடித்த ஹெலன் படத்தின் இந்தி ரீமேக்கிலும் ஜான்வி நடித்திருந்தார். தன் படங்கள் மூலம் மட்டுமில்லாமல் தன்னுடைய நடவடிக்கைகள் மூலமும் ரசிகர்களை வெகுவாக கவர்பவர் ஜான்வி. பொது இடங்களில் ஜான்வியை பார்க்க ரசிகர்கள் கூடினாலோ, அல்லது படப்பிடிப்புதளம் என்றாலோ அவர்களை ஜான்வி மிகவும் கூலாகவே டீல் செய்வார். முடிந்தால் புகைப்படம், இல்லையென்றால் அழகான சிரிப்பை கொடுத்துவிட்டு இடத்தைக் காலி செய்துவிடுவார்.
அப்படியான ஒரு வீடியோ தற்போது இணையத்தில் வைரலாகி வருகிறது. மும்பை விமான நிலையத்தில் இருந்து வெளியே வந்த ஜான்வியை சிலர் புகைப்படமும், வீடியோவும் எடுத்தனர். சர சரவென காரை நோக்கி வேகமாக நடந்து வந்த ஜான்வி, புகைப்படம் எடுப்பவர்களிடம் எப்படி நீங்கள் ஒரே நேரத்தில் இரண்டு செல்போனை பயன்படுத்தி புகைப்படம், வீடியோ எடுக்கிறீர்கள் எனக் கேட்கிறார். அதற்கு பதில் அளிக்கும் நபர் எல்லாம்.. அனுபவம் தான் என்கிறார். பேசிக்கொண்டே கார் அருகே சென்ற ஜான்வி, கிறிஸ்துமஸ் வாழ்த்துகள் என சொல்லி காரில் ஏறுகிறார்.
இந்த வீடியோ சோஷியல் மீடியாவில் வைரலாகி வருகிறது. பொது இடங்களில் ரசிகர்களையும், மீடியாவையும் ஜான்வி கூலாக டீல் செய்வது வரவேற்கத்தக்கது என பதிவிட்டு வருகின்றனர்.