ஒட்டுமொத்த திரையுலமே எதிர்பார்த்து காத்திருக்கும் திரைப்படம் என்றால் அது திரையுலக சூப்பர் ஸ்டார் ரஜினிகாந்த் நடிப்பில் உருவாகியுள்ள ’ஜெய்லர்’ திரைப்படம். இயக்குநர் நெல்சன் திலீப்குமார் இயக்கத்தில் உருவாகியுள்ள இப்படத்திற்கு இசையமைப்பாளர் அனிருத் ரவிச்சந்திரன் இசையமைத்துள்ளார். ஏற்கெனவே இப்படத்தின் காவாலா மற்றும் ஹுக்கும் என இரண்டு பாடல்கள் வெளியாகி ரசிகர்கள் மத்தியில் மட்டுமல்லாது, இணையவாசிகள் மத்தியிலும் பெரும் வரவேற்பைப் பெற்றது.
இப்படத்தின் இசை வெளியீட்டு விழா நேரு உள்விளையாட்டு அரங்கில் நடைபெற்று வருகிறது. இதில் மிகவும் ஆச்சர்யபடவைக்கும் நிகழ்வாக ஒன்று நடைபெற்றுள்ளது. அதாவது ஹுக்கும் பாடலை அனிருத் பாடினார். அதனை ரசிகர்கள் ஒன்ஸ்மோர் கேட்க அப்போதுதான் சம்பவமே தொடங்கியது. அதாவது, அனிருத் ரசிகர்களுடன் இணைந்து பாடினார். அந்த வீடியோ தற்போது இணையத்தில் வைரலாகி வருகிறது. அதில் அனிருத் தனது மொத்த எனர்ஜியையும் வெளிப்படுத்தி ஆக்ரோரசமாக பாடியுள்ளார். இது அனிருத் - இன் ஃபேன் பாய் மொமண்ட் எனக் கூறி வருகின்றனர்.