‘தலைவர் 171’ (Thalaivar 171) திரைப்படத்தின் டைட்டில் டீசர் வெளியாக இன்னும் இரண்டு நாட்களே உள்ளது என்ற கவுண்ட் டவுன் அப்டேட் ஒன்றை சன் பிக்சர்ஸ் நிறுவனம் தனது சோசியல் மீடியா பக்கம் மூலம் போஸ்ட் செய்து ரஜினி ரசிகர்களை ஆர்வத்தில் ஆழ்த்தியுள்ளது. 


நடிகர் ரஜினிகாந்த் தற்போது ‘ஜெய் பீம்’ பட இயக்குநர் த.செ.ஞானவேல் இயக்கும் 'வேட்டையன்' திரைப்படத்தில் மும்மரமாக நடித்து வருகிறார். 80 சதவீத படப்பிடிப்பு நிறைவடைந்த நிலையில் இந்த ஆண்டு அக்டோபர் மாதம் படம் வெளியாகும் என அறிவிக்கப்பட்டுள்ளது.


 



 


கவுண்ட் டவுன் ஆரம்பம் :


அதைத் தொடர்ந்து இயக்குநர் லோகேஷ் கனகராஜ் உடன் 'தலைவர் 171' படத்தின் மூலம் கூட்டணி சேர உள்ளார் நடிகர் ரஜினிகாந்த் என்ற தகவல் அனைவரும் அறிந்ததே. இப்படத்தின் ஸ்கிரிப்ட் பணிகளில்  மிகவும் பிஸியாக லோகேஷ் கனகராஜ் ஈடுபட்டுள்ள நிலையில் படத்தின் டைட்டில் டீசர் ஏப்ரல் 22ஆம் தேதி வெளியாகும் என்ற அதிகாரப்பூர்வமான தகவலை படக்குழு சில தினங்களுக்கு முன்னர் வெளியிட்டது. அதைத் தொடர்ந்து தற்போது கவுண்ட் டவுன் மூலம் ரசிகர்களின் ஆர்வத்தை அதிகரித்து வருகிறது படக்குழு.


 



 


இதுவா டைட்டில் :


இந்நிலையில் தலைவர் 171 திரைப்படத்தின் டைட்டில் பற்றிய சில தகவல்கள் சோசியல் மீடியா எங்கும் மிகவும் வைரலாக பகிரப்பட்டு வருகிறது. ஒரு சிலர் 'கழுகு' தான் படத்தின் டைட்டில்  என்று ட்ரெண்டிங் செய்து வர ஒரு சிலர் 'கோல்ட்' என்றும் 'ராணா' அல்லது ‘கடிகாரம்’ என்றும் இணையத்தில் பகிர்ந்து வருகிறார்கள்.


 


ரஜினி மகளாக ஸ்ருதி :


தலைவர் 171 படத்தில் நடிகர் ரஜினிகாந்த் டான் கேரக்டரில் நடிக்க உள்ளார் என்றும், அவரின் மகளாக கமல்ஹாசன் மூத்த மகள் நடிகை ஸ்ருதிஹாசன் நடிக்க உள்ளார் என்றும் சில தகவல்கள் அடிபடுகின்றன. இருப்பினும் இது குறித்த அதிகாரப்பூர்வமான தகவல் எதுவும் இதுவரையில் வெளியாக வில்லை.


   


மாஸான டீசர் :


தலைவர் 171 படத்தின் டைட்டில் டீசர் வெளியாக இன்னும் இரண்டே நாட்கள் மட்டுமே உள்ள நிலையில் அதன் வீடியோ பணிகள் மிகவும் தீவிரமாக நடத்தி முடிக்கப்பட்டுள்ளது என நெருங்கிய சினிமா வட்டாரங்கள் கூறுகின்றன. படத்தின் டைட்டிலை மாஸான டீசர் வீடியோ மூலம் வெளியிடுவது லோகேஷ் கனகராஜ் ஸ்டைல். விக்ரம், லியோ படத்தை தொடர்ந்து தலைவர் 171 படத்தின் டைட்டில் அறிவிப்பையும் மிகவும் சஸ்பென்ஸாக வைத்துள்ளார் இயக்குநர் லோகேஷ் கனகராஜ். 



இதுவரையில் தலைவர் 171 படம் குறித்த எந்த உறுதியான தகவலும் வெளியாகாத நிலையில் பல பேச்சுக்கள் சமூக வலைத்தளங்கள் எங்கும் மிகவும் வைரலாக பகிரப்பட்டு வருகிறது. இந்நிலையில் டைட்டில் டீசர் வெளியானதும் படம் குறித்த பல அதிகாரபூர்வமான அப்டேட் ஒவ்வொன்றாக வெளியாகும் என எதிர்பார்க்கப்படுகிறது.