அப்போது ஒரு ரசிகர் உங்கள் இயக்கத்தில் தளபதி விஜய் நடித்தால் அவர் எந்த வேடத்தில் நடிப்பார் என்ற கேள்விக்கு, ஜேம்ஸ் பாண்ட் என்று பதிலளித்தார் இயக்குனர் மிஷ்கின். மேலும் ஒரு ரசிகர் நடிகை ஆண்ட்ரீயா பிசாசு 2 படத்தில் நடித்தது பற்றி கேட்டதற்கு, பிசாசு 2 படத்திற்காக நடிகை ஆண்ட்ரியா தேசிய விருதை வாங்குவார் என்றார். இந்த படத்தில் நடிப்பதற்காக ஆண்ட்ரியா பல துணிச்சலான முடிவுகளை எடுத்துள்ளார் என்பதும் குறிப்பிடத்தக்கது.
இயக்குனர் மிஷ்கின் இயக்கத்தில் உருவாகும் பிசாசு 2 திரைப்படம் ராக்போர்ட் எண்டர்டெயின்மெண்ட் சார்பாக T.முருகானந்தம் தயாரிக்கின்றார். 2014ம் ஆண்டு மிஷ்கின் இயக்கத்தில் வெளியாகி பெறிய அளவில் வெற்றி பெற்ற படம் தான் பிசாசு. நாகா, பிரகியா மார்ட்டின் மற்றும் ராதாரவி ஆகியோரின் அசத்தலான நடிப்பு மற்றும் அர்ரோல் இசையில் படம் சூப்பர்ஹிட்டானது. இந்நிலையில் பிசாசு படத்தின் இரண்டாம் பாகத்தை எடுக்க முடிவு செய்து அதற்கான கதாநாயகர்களும் தேர்வு செய்யப்பட்டனர். நடிகை ஆண்ட்ரீயா பிசாசு 2 இல் லீட் ரோலில் நடிக்கிறார். மேலும் கூடுதல் சிறப்பாக நடிகர் விஜய் சேதுபதியும், இந்த படத்தில் கெஸ்ட் ரோலில் இணைந்துள்ளார். விஜய் சேதுபதிக்கு பேய் ஓட்டும் கதாபாத்திரம் கிடைத்திருப்பதாக படக்குழுவிற்கு நெருக்கமான வட்டாரங்கள் தெரிவிக்கின்றன.
மேலும் பிசாசு படத்தின் முதல் பாகத்திலிருந்து இந்த படம் முற்றிலும் மாறுபட்ட அனுபவத்தை கொடுக்கும் என இயக்குநர் மிஷ்கின் அண்மையில் தெரிவித்தார். தற்போது விஜய் சேதுபதியும் இணைந்திருப்பது படத்தின் மீதான எதிர்பார்ப்பை அதிகப்படுத்துவதாக உள்ளது. தமிழ் சினிமா வரலாற்றில் தனித்துமான இயக்குநர்கள் பட்டியலில் நிச்சயம் மிஷ்கின் இருப்பார் என்பது மறுக்கமுடியாத உண்மை.
இரவு நேரத்தில் மயக்க வைக்கும் தளபதி விஜய் பாடல்கள்
மிஷ்கின் பிரபல இயக்குநர்கள் வின்சென்ட் செல்வா மற்றும் கதிர் ஆகியோருடன் இணைந்து பணியாற்றியுள்ளார். அதன் பிறகு 2006ம் ஆண்டு நரேன் மற்றும் பாவனா நடிப்பில் வெளியான சித்திரம் பேசுதடி என்ற படத்தின் மூலம் தனது திரைப்பயணத்தை தொடர்ந்தார். அஞ்சாதே, முகமூடி, ஓநாயும் ஆட்டுக்குட்டியும், பிசாசு என்று பல தரமான திரைப்படங்களை தமிழ் சினிமாவிற்கு கொடுத்த பெருமை மிஷ்கினை சேரும். இந்நிலையில் பிசாசு 2 படம் ரசிகர்கள் மத்தியில் பெரிய அளவில் எதிர்பார்ப்பை ஏற்படுத்தியுள்ளது.