தெலுங்கு சினிமா பத்திரிகையாளர்களில் மிகவும் அறியப்பட்டவர் சுரேஷ் கொண்டெட்டி. இவர் திரைப்படத் தயாரிப்பாளராகவும் உள்ளார். அண்மையில் ஒரு திரைப்பட ட்ரெயிலர் வெளியீட்டு விழாவில் இவர் பேசிய கருத்து அனைவரையும் முகம் சுளிக்க வைத்துள்ளது. தெலுங்கு திரைப்பட நடிகர்கள் சித்து மற்றும் நேகா இணைந்து நடித்துள்ள டி.ஜே.தில்லு திரைப்படத்தின் ட்ரெய்லர் வெளியீட்டில்தான் இந்தச் சம்பவம் நிகழ்ந்துள்ளது.
திரைப்பட டெர்ய்லரில் சித்து நேகாவிடம் உடம்பில் எத்தனை மச்சம் உள்ளது எனக் கேட்பது போன்ற காட்சிகள் இடம்பெறும். அதை மையமாக வைத்து சுரேஷ் ‘நிஜ வாழ்க்கையிலும் நேகாவின் உடலில் உள்ள மச்சத்தை எண்ணியிருக்கிறீர்களா?’ என அனைவரும் அருவருக்கச் செய்யும் வகையிலான கேள்வி ஒன்றை எழுப்பினார்.
அவரது இந்தக் கேள்வி நெட்டிசன்களிடமும் திரைப்பட உலகிலும் பெரிய கொந்தளிப்பை ஏற்படுத்தியுள்ளது. பத்திரிகைத்துறை நாகரிகமற்றுப் போய்விட்டதாகப் பலர் கருத்து தெரிவித்து வருகின்றனர்.
சுரேஷின் இந்தக் கேள்விக்கு சித்து பதில் அளிக்க மறுத்துவிட்டார். படத்தில் நடித்த நடிகர் நேகாவும் இதற்கு வன்மையாகத் தனது கண்டனங்களைப் பதிவு செய்துள்ளார். அவர் பதிவில், ‘இது சுரேஷ் நடிகர்கள் மீது கொண்டுள்ள மதிப்பையும் அவர் மீது அவர் கொண்டுள்ள மரியாதையையும்தான் காட்டுகிறது’ எனப் பதிவு செய்துள்ளார்.
ஆனால் இதுவரை இதுகுறித்து மன்னிப்பு கேட்காத சுரெஷ் படம் குறித்து ட்வீட் செய்துள்ளார் என்பது குறிப்பிடத்தக்கது.