Hansika Motwani Marriage : குட்டி குஷ்பூ ஹன்சிகாவின் மாப்பிள்ளை இவர் தானா? வெளியான தகவல்... விவரம் உள்ளே
ஹன்சிகா மோத்வானி தனது திருமணத்துக்கு தயாராகிவிட்டார். அவரது திருமணம் குறித்தும் மாப்பிள்ளை குறித்த விவரமும் தற்போது வெளியாகியுள்ளது. விவரம் உள்ளே
ஹன்சிகா மோத்வானி தனது திருமணத்துக்கு தயாராகிவிட்டார். அவரது திருமணம் குறித்தும் மாப்பிள்ளை குறித்த விவரமும் தற்போது வெளியாகியுள்ளது. பல இளைஞர்களின் கனவுக்கன்னியாக தூக்கத்தை கெடுத்த இந்த அழகு தேவதைக்கு விரைவில் டும் டும் டும்.
Just In
அறிமுகமே அட்டகாசம் :
தென்னிந்திய சினிமாவில் மிகவும் பிஸியான ஒரு நடிகை குட்டி குஷ்பூ என்று செல்லமாக அழைக்கப்படும் ஹன்சிகா மோத்வானி. தெலுங்கு திரையுலகில் நடிகர் அல்லு அர்ஜுன் ஜோடியாக 2007ம் ஆண்டு சினிமாவில் அறிமுகமானவர். இந்த மேடம் நடித்த முதல் படத்திலேயே ரசிகர்களின் கவனத்தை ஈர்க்க அதற்கு பிறகு கன்னடம், தெலுங்கு என பட படங்களில் நடிக்கும் வாய்ப்பு கிடைத்தது.
தமிழ் சினிமாவில் கிடைத்த வாய்ப்பு :
ஹன்சிகா தமிழில் அறிமுகம் ஆனது நடிகர் தனுஷ் ஜோடியாக "மாப்பிள்ளை" திரைப்படம் மூலம் தான். தமிழ் ரசிகர்களை கவர்ந்த இந்த நடிகை அடுத்தடுத்து பல முன்னணி நடிகர்களுக்கு ஜோடியாக மிகவும் பிஸியான ஒரு நடிகையாக வலம் வந்தார். அவரின் கியூட் எக்ஸ்ப்ரஷன்கள் ரசிகர்களை மிகவும் கவர்ந்தது. பல வெற்றி படங்களில் நடித்த ஹன்சிகா 2014 முதல் 2018 வரையிலான காலகட்டங்களில் பல ரிலீஸ் கொடுத்த ஹீரோயின் திடீரென 2020 மற்றும் 2021ல் எந்த படத்திலும் நடிக்கவில்லை.
ஹன்சிகாவின் மாப்பிள்ளை யார் ?
மிகவும் ஏமாற்றத்தில் இருந்த ஹன்சிகா ரசிகர்கள் தற்போது மிகுந்த சந்தோஷத்தில் உள்ளனர். அதற்கு காரணம் ஒரு இடைவேளைக்கு பிறகு மீண்டு பல தெலுங்கு மற்றும் தமிழ் திரைப்படங்களில் நடித்து வருகிறார் ஹன்சிகா மோத்வானி. கூடுதலாக தனது நீண்ட நாள் காதலன் சோஹியல் கட்டுரியா என்பவருடன் ஹன்சிகாவுக்கு திருமணம் நடைபெற உள்ளது. இந்தியாவின் பிங்க் சிட்டி என அழைக்கப்படும் ஜெய்ப்பூரில் இவர்களது திருமணம் வரும் டிசம்பர் மாதம் நடைபெறவுள்ளதாக தகவல் வெளியாகியுள்ளது. இந்த திருமண வைபவத்தில் உறவினர் மற்றும் நெருங்கிய நண்பர்கள் முன்னிலையில் நடைபெறவுள்ளது என சினிமா வட்டாரங்கள் தெரிவிக்கின்றன. விரைவில் அவரின் திருமணம் குறித்த அதிகாரப்பூர்வமான தகவலை ஹன்சிகா மோத்வானி வெளியிடுவார் என தெரிகிறது.
இந்த கியூட் நடிகை திருமணம் முடிந்த பிறகும் தனது திறமையான நடிப்பால் ரசிகர்களை மகிழ்விக்க வேண்டும் என்பதே ஹன்சிகா ரசிகர்களின் ஆசை.