நடிகர் விஜய் சேதுபதியின் டிஎஸ்பி படம் பார்க்கப்போன ரசிகர்களுக்கு இன்ப அதிர்ச்சி காத்திருப்பதாக ட்விட்டரில் புகைப்படம் ஒன்று ட்ரெண்டாகி வருகிறது.
வருத்தப்படாத வாலிபர் சங்கம், ரஜினி முருகன், சீமராஜா, எம்ஜிஆர் மகன் ஆகிய படங்களை தொடந்து இயக்குநர் பொன்ராமின் இயக்கத்தில் வெளியாகவுள்ள படம் ‘டிஎஸ்பி’. இந்த படத்தில் வாஸ்கோடகாமா என்ற போலீஸ் கேரக்டரில் நடிக்க ஹீரோயினாக அனு க்ரீத்தி நடித்துள்ளார். இவர்களுடன் ‘குக் வித் கோமாளி’ புகழ், இளவரசு, ஞானசம்பந்தன் உள்ளிட்ட பலரும் நடித்துள்ளனர்.இமான் இப்படத்திற்கு இசையமைத்துள்ளார். இந்த படம் டிசம்பர் 2 ஆம் தேதியான இன்று தியேட்டரில் வெளியாகியுள்ளது.
சமீபத்தில் இதன் ட்ரெய்லர் மற்றும் இசை வெளியீட்டு விழாவில் சிறப்பு விருந்தினராக நடிகர் கமல்ஹாசன் பங்கேற்றிருந்தார். இதனால் டிஎஸ்பி படத்தின் மீது பெரும் எதிர்பார்ப்பு ஏற்பட்டிருந்தது.
இந்நிலையில் காலையில் முதல் காட்சி பார்க்கப்போன ரசிகர்களுக்கு மிகப்பெரிய சர்ப்ரைஸ் காத்திருந்தது. ஆம்.. பசங்க,களவாணி, வாகை சூடவா, தேசிங்கு ராஜா உள்ளிட்ட படங்களின் மூலம் பிரபலமான நடிகர் விமல் டிஎஸ்பி படத்தில் சிறப்பு தோற்றத்தில் நடித்துள்ளார்.
இதுதொடர்பான புகைப்படங்கள் சமூக வலைத்தளங்களில் வெளியாகி இணையவாசிகளை ஆச்சரியத்தில் ஆழ்த்தியுள்ளது. விமல் கடைசியாக கடந்த 2020 ஆம் ஆண்டு கன்னி ராசி என்ற படத்தில் நடித்திருந்தார். அதன்பிறகு இந்தாண்டு விலங்கு என்ற ஓடிடி வெப் சீரிஸ் ஒன்றில் நடித்திருந்தார். இதில் அவர் நடிப்பு ரசிகர்களிடையே பாராட்டைப் பெற்றிருந்தது. தற்போது விமல் சண்டக்காரி, எங்க பாட்டன் சொத்து, மஞ்சள் குடை, குலசாமி, லக்கி உள்ளிட்ட பல படங்களில் நடித்து வருகிறார் என்பது குறிப்பிடத்தக்கது.