மலையாளத்தில் சுப்பர் ஹிட் அடித்த த்ரிஷ்யம் :
மோகன்லால் நடிப்பில் 2013ம் ஆண்டு வெளியான த்ரிஷ்யம் படத்தை ஜீத்து ஜோசப் இயக்கியிருந்தார். மோகன்லாலுடன் மீனா, ஆஷா ஷரத், நீரஜ் மாதவ், சித்திக் உள்ளிட்ட பலர் நடித்திருந்த இந்தப் படம், ப்ளாக் பஸ்டர் ஹிட் அடித்தது. சஸ்பென்ஸ் க்ரைம் திரில்லர் ஜானரில் பல திருப்பங்களுடன் உருவான திரிஷ்யம், திரையரங்குகளில் 100 கோடி வசூலை வாரிக் குவித்தது. இந்திய திரையுலகையே பிரமிக்க வைத்த இந்தப் படத்துக்கு சிறப்பான விமர்சனங்களும் கிடைத்தன.
பல மொழிகளில் ரீமேக்கான த்ரிஷ்யம் :
எந்தவொரு அலட்டலும் இல்லாமல் மிடில் கிளாஸ் ஹீரோவாக மோகன்லால் நடிப்பில் அசத்தியிருப்பார். மலையாளத்தில் சூப்பர் டூப்பர் ஹிட் அடித்த இந்தப் படம், தமிழில் கமல் நடிப்பில் 'பாபநாசம்' என்ற டைட்டிலில் ரீமேக்காகி வெற்றிப் பெற்றது. அதேபோல், தெலுங்கு, இந்தி மொழிகளில் ' த்ரிஷ்யம் ' என்ற டைட்டிலில் ரீமேக்கானது. ரீமேக் செய்யப்பட்ட அனைத்து மொழிகளிலும் மாஸ் ஹிட் அடித்த த்ரிஷ்யம் படத்துக்கு, இந்தியா முழுவதும் ஏராளமான ரசிகர்கள் உள்ளனர். இதனைத் தொடர்ந்து மலையாளத்தில் த்ரிஷ்யம் படத்தின் இரண்டாம் பாகம் 2021ம் ஆண்டு வெளியானது.
இந்தியில் வெளியாக உள்ள இரண்டாம் பாகம் :
இந்தியில் த்ரிஷ்யம் திரைப்படத்தில் அஜய் தேவ்கான் அவருக்கு ஜோடியாக ஸ்ரேயா மற்றும் பெண் போலிஸ் கதாபாத்திரத்தில் தபு நடித்து 2015ஆம் ஆண்டு வெளியானது, இதன் வெற்றிக்கு பிறகு இரண்டாம் பாகத்துக்கும் அதிக எதிர்பார்ப்பு காணப்பட்டது. இந்நிலையில், தற்போது இரண்டாம் பாகத்துக்கான டீசரை நடிகர் அஜய்தேவ் கன் தனது ட்விட்டரில் வெளியிட்டுள்ளார். மேலும், படத்தின் ரீலீஸ் தேதியையும் படக்குழு அறிவித்துள்ளது. அதன்படி இந்தியில் ரீமேக்காகியுள்ள 'திரிஷ்யம் 2' நவம்பர் 18ம் தேதி திரையரங்குகளில் வெளியாகிறது. இந்த அப்டேட்டால் பாலிவுட் ரசிகர்கள் உற்சாகத்தில் உள்ளனர்.
இந்த உற்சாகத்தை இன்னும் அதிகப்படுத்தும் நிலையில், படம் வெளியாக உள்ள நவம்பர் 18ம் தேதி அன்று த்ரிஷ்யம் படத்திற்கு ஐநாக்ஸ் திரையரங்குகளில் 50 சதவீதம் சலுகை அளித்துள்ளது. இணையத்தில் புக் செய்பவர்களுக்கு மட்டும் இந்த சலுகை ஏற்படுவதாக இருக்கும் என ஐநாக்ஸ் திரையரங்கம் சார்பில் தெரிவிக்கப்பட்டுள்ளது.