ஸ்ரீ வெங்கடேஸ்வரா சினிமாஸ் எல்.எல்.பி மற்றும் கரன் சி புரொடக்சன்ஸ் எல்.எல்.பி இணைந்து தயாரிக்கும் ‘மைக்கேல்’ என்னும் புதிய படத்தில் முதன் முறையாக விஜய் சேதுபதி மற்றும் டோலிவுட் நடிகர் சந்தீப் கிஷன் இருவரும் இணைந்து நடிக்கவுள்ளனர். ரஞ்சித் ஜெயக்கொடி இயக்க இருக்கும் இந்த படத்தின் கதாபாத்திர தேர்வுகள் தற்போது நடைப்பெற்று வருகிறது. ஆக்ஷன் டிராமாவாக உருவாகும் மைக்கேல் படத்தில் கதாநாயகனாக சந்தீப் கிஷன் நடிக்க , விஜய் சேதுபதி மாஸான ரோலில் நடிக்கவுள்ளாராம். இந்நிலையில் இயக்குநரும் , நடிகருமான கௌதம் வாசுதேவ் மேனன் , முக்கிய கதாபாத்திரத்தில் மைக்கேல் படத்தில் நடிக்க ஒப்பந்தமாகியிருப்பதாக தயாரிப்பு நிறுவனம் தனது ட்விட்டர் பக்கத்தில் தெரிவித்துள்ளது. தற்போது தயாரிப்பு நிறுவனம் வெளியிட்டுள்ள தகவலின் அடிப்படையில் கௌதம் வாசுதேவ் மேனன் வில்லனாக களமிறங்குவது உறுதியாகியுள்ளது.
இதனை பகிர்ந்த நடிகர் சந்தீப் கிஷன் ”எனது குருவை வரவேறப்பதில் மகிழ்ச்சியடைகிறேன். மீண்டும் உங்களிடம் இருந்து கற்றுக்கொள்ள ஆவலாக இருக்கிறேன் சார் ” என குறிப்பிட்டுள்ளார்.சமீக காலமாக கௌதம் மேனன் கெத்தான ரோலை தேர்வு செய்து நடித்து வருகிறார். இந்த நிலையில் வில்லனாக அவர் நடிக்க இருப்பது பலரின் எதிர்பார்ப்பை எகிற செய்துள்ளது.
முன்னதாக படத்தின் ஃபர்ஸ்ட் லுக் போஸ்டர் இணையதளத்தில் வெளியாகி பலரின் கவனத்தை பெற்றது. மைக்கேல் திரைப்படம் தெலுங்கு, தமிழ், கன்னடம், மலையாளம், இந்தி ஆகிய மொழிகளில் உருவாக இருப்பது குறிப்பிடத்தக்கது.