தமிழ் திரையுலகின் பிரபலமான இயக்குனர் மிஷ்கின். இவரது இயக்கத்தில் வெளியாக உள்ள திரைப்படம். இந்த படத்தின் ட்ரெயிலர் நேற்று வெளியானது. அப்போது, மிஷ்கின் பற்றி பிரபல இயக்குனரும், நடிகருமான அமீர் பேசியதாவது,
மிஷ்கின் ஸ்டைல்:
இவர் ஏன்டா ராத்திரியிலயும் கண்ணாடி போட்ருக்கானு கேட்டா, அப்படித்தான்டா போடுவேன். அது என்னோட ஸ்டைல். இவர் படத்துல ஹீரோக்கள் குனிஞ்சே நிக்குறாங்க ஏன்?னு கேட்டா, அப்படித்தான் நிப்பாங்க. என்னோட ஹீரோ அதுதான் என்னோட ஸ்டைல். இப்படி எல்லாத்துலயும் தனக்குனு ஒரு அடையாளத்தை பதிச்சுகிட்டவர்தான் மிஷ்கின்.
பாலச்சந்தர் படம், பாரதிராஜா படம், பாக்யராஜ் படம் பாத்து வளந்திருப்போம். இவரு ஒரு ஸ்டைலை கிரியேட் பண்ணுவாரு. அது ஒரு எந்த ரகம்னு கண்டுபிடிக்க முடியாத அளவுக்கு இருக்கும். தனக்குனு ஒரு ஸ்டைலை கிரியேட் பண்ணவரு. என்னை கூப்பிட்டு போயி டான்ஸ் ஆட விட்டவர் யுத்தம் செய் படத்துல.
ஆச்சரியம்:
எதுக்கு என்னை கூப்பிட்டு போனாருனு தெரியல. ஏன் அப்டி பண்ணாருனு தெரியல. அதுல சுமந்து அழுது வெளிய வர்றதுக்கு ரொம்ப நாளாச்சு. நடிக்க வந்ததுல இருந்து மிஷ்கின் இவ்ளோ நடிப்பாரானு ஆச்சரியப்பட வைக்குறாரு?
எம்ஜிஆர், சிவாஜி, ரஜினி படங்கள்ல ஃப்ரேம்ல அவங்களை மட்டும்தான் பாக்கவைக்கும். இப்போ இருக்குறதுல விஜய் சூப்பர்ஸ்டார் பொசிஷன்ல இருக்குற ஹீரோ. அவரு படங்கள்ல விஜய்யை விட்டு இரண்டு பேரை பாக்க வைக்கலாம்னு பாக்க வச்சது இரண்டு பேரு. ஒன்னு விஜய் சேதுபதி. இன்னொன்னு மிஷ்கின்.
ரசித்தேன்:
மாஸ்டர் படத்துல விஜய்யை விட்டுட்டு விஜய் சேதுபதியை பார்க்கும் அளவுக்கு பிரமாதமாக பண்ணியிருந்தாரு. லியோவுல மிஷ்கின். விஜய்யை தாண்டி நம்ம கண்ணு இவரு பக்கம் போது. என்னடா?இவ்வளவு கிளாரிட்டியோட ஒரு மனுஷன் எப்படி இருக்க முடியும்? மியூசிக், அது இதுனு அவரை எப்படி என்ன சொல்றதுனு தெரியல.
டிஆருக்கு பிறகு மிஷ்கின்தானு நினைக்குறேன். மிஷ்கின் பேச்சை மேடையில பேசுறதை பாக்கும்போது இவரு ஏன் இப்படி பேசுறாரு? தனக்கு அட்டென்ஷன் கிரியேட் பண்றாருனு தோணும். அப்படி இல்ல. காலேஜ், ஸ்கூல்ல நிறைய நண்பர்கள் இருப்பார்கள். ஒரு நண்பன் ஏதாவது புதுசு, புதுசா பண்ணுவான். அவனை செல்லமாக கேலி பண்ணுவோம். அது மாதிரி மிஷ்கின்.
அவர் எந்த விமர்சனம் பற்றியும் கவலைப்பட்டது இல்லை. கண்டுக்கவும் இல்ல. பேசும்போது போலியாக இருக்காது. சினிமாவுக்கு வந்து பல வருஷங்கள்ல நைட் பார்ட்டி போற பழக்கமே இல்லை. ராம் பிறந்தநாளுக்கு போனேன். ஒரு ராத்திரி முழுக்க உக்காந்து மிஷ்கினை ரசிச்சுகிட்டே இருந்தேன். ஒரு பொண்ணைக்கூட இப்படி ரசிச்சது இல்ல அவ்வளவு. நான் ரசிக்கிறேன்.
இவ்வாறு அவர் பேசினார்.