ஜூன் மாதம் 7ம் தேதி ஜகமே தந்திரம் படத்தில் உள்ள 8 பாடல்களும் வெளியாக உள்ளன. இயக்குநர் கார்த்திக் சுப்பாராஜ் அந்த 8 பாடல்களை குறித்த அனைத்து அப்டேட்களையும் வெளியிட்டுள்ளார். சந்தோஷ் நாராயணன் இசையில் அனைத்து பாடல்களும் உருவாகியுள்ள நிலையில் தனுஷ் ரசிகர்கள் படு குஷியில் ஆழ்ந்துள்ளனர்.
ரகிடா ரகிடா ரகிடா, தீங்கு தாக்க, தேய்பிறை, கலரே கலர்வாசம் மற்றும் நான் தான் டா மாஸ் உள்ளிட்ட பாடல்கள் வெளியாக உள்ளது. பாடகர் அந்தோணி தாசன் சில பாடல்களை பாடியுள்ளார் என்பது குறிப்பிடத்தக்கது. சில தினங்களுக்கு முன்பு இந்த படத்தில் இருந்து வீடியோ பாடல் ஒன்று வெளியானது குறிப்பிடத்தக்கது.
ஜகமே தந்திரம் படத்திற்கான பணிகள் 2016ம் ஆண்டு தொடங்கப்பட்டது. முதலில் தேனாண்டாள் நிறுவனம் தான் இந்த படத்தை தயாரிப்பதாக இருந்து நிலையில் சில காரணங்களால் கைவிடப்பட்டது. அதன் பிறகு மீண்டும் இந்த படம் கடந்த 2019ம் ஆண்டு YNOT ஸ்டுடியோஸ் தயாரிப்பில் தொடங்கப்பட்டது. சென்னை, மதுரை மற்றும் லண்டன் ஆகிய இடங்களில் படப்பிடிப்பு பணிகள் நடைபெற்று 2019 டிசம்பர் வாக்கில் படப்பிடிப்பு முடிவடைந்தது.
அதன் பிறகு 2020ம் ஆண்டு மே மாதம் படம் திரையரங்குகளில் வெளியாகும் என்று எதிர்பார்த்த நிலையில் கொரோனா பரவல் காரணமாக படம் OTT தளத்தில் வெளியிட வாய்ப்புள்ளதாக அப்போது கூறப்பட்டது. இறுதியில் தற்போது நெட்பிலிக்ஸ் நிறுவனம் இந்த படத்தை OTT தளத்தில் வெளியிடவுள்ளது.
HBD RAMBHA: ரம்பாவின் இந்த 7 பாடல்களை கேட்டு பாருங்க! நீங்களும் 90's கிட்ஸ் ஆவீங்க!
வருகிற ஜூன் 18-ஆம் தேதி தனுஷின் ஜகமே தந்திரம் நெட்பிளிக்ஸில் வெளியாகிறது என்ற அதிகாரபூர்வ தகவலை ஒய் நாட் ஸ்டுடியோ (y not studio ) தனது ட்விட்டர் பக்கத்தில் பதிவிட்டு இருந்தது. இதனை தொடர்ந்து இந்தப் படம் தமிழ் ,தெலுங்கு , மலையாளம், கன்னடம், இந்தி, ஆங்கிலம் உள்பட 17 மொழிகளில் டப்பிங் செய்து வெளியிட உள்ளதாக கூறப்படுகிறது. ஓடிடியில் வெளியாகும் தமிழ்ப்படம் ஒன்று 17 மொழிகளில் டப் செய்யப்பட்டு வெளியாவது இதுவே முதல்முறை என்பது குறிப்பிடத்தக்கது.