திரைப்பட ப்ரொமோஷன்களுக்கு பெயர் போன கூல் சுரேஷ், தற்போது எஸ்.டி.ஆர் என்ற டைட்டிலுடன் ஒரு போஸ்டரை வெளியாகிவுள்ளது. வெந்து தணிந்தது காடு எஸ்.டி.ஆருக்கு வணக்கத்த போடு என்று லூப் மோடில் இந்த வசனத்தை சொல்லி, ட்ரெண்ட் ஆனவர் கூல் சுரேஷ். இவர் செய்த ப்ரொமோஷனுக்காகவே, இப்படத்தை காண பல பேர் காத்திருந்தனர். அதுபோல், இப்படம் நல்ல வரவேற்பை பெற்றுள்ளது.
வெந்து தணிந்தது ரிலீஸ் ஆவதர்கு முன், விருமன், கோப்ரா போன்ற படங்களை முதல் நாள் முதல் ஷோவில் பார்த்துவிட்டு, அவரின் ஸ்டைலில் விமர்சித்தார். இதற்கிடையில், அதிதி ஷங்கரை மணந்து கொள்ள போவதாக சொல்லி, விருமன் படம் பார்க்க வந்த அதிதியை நோக்கி ஐ லவ் யூ என்றெல்லாம் சொல்லி சர்ச்சையில் சிக்கினார். பின்பு, அதிதியை தங்கை என்று சொல்லி எஸ்கேப் ஆனார் கூல் சுரேஷ்.
சர்சைகளில் சிக்கினாலும் , அவருக்கான ரசிகர்கள் பட்டாளத்தையும் வென்றார் கூல் சுரேஷ்.வெந்து தணிந்தது காடு படத்திற்கு ப்ரொமோஷன் செய்த கூல் சுரேஷுக்கு என்ன செய்ய போகிறீர்கள் என்று செய்தியாளர் சிம்புவிடம் கேட்டதற்கு “ ஆம், அவருக்கு என்னை விட அதிக ரசிகர்கள் சேர்ந்து விட்டனர். இந்த இடத்தை அவர் தக்கவைத்து கொள்ள வேண்டும். வெந்து தணிந்தது காடு படத்திற்கு ப்ரொமோஷன் செய்த இவருக்கு என் அடுத்த படத்தில் வாய்ப்பு தருவேன்” என்று சிம்பு பதிலளித்தார். இதைக்கேட்ட கூல் சுரேஷ் கண்கலங்கினார்.
தற்போது சூப்பரான மூன்று கெட்-அப் களில் போட்டோஷூட் செய்து போஸ்ட்ர் ஒன்றை வெளியிட்டுள்ளார். அதற்கு STR என்ற தலைப்பு வைக்கப்பட்டுள்ளது. இதற்கு சுரேஷ் டேக்கிங் ரிவெஞ் என்ற விரிவாக்கமும் கொடுக்கப்பட்டுள்ளது.
இந்த போஸ்டர், சுரேஷின் அடுத்த படத்தை குறிக்கிறதா அல்லது இது வெறும் போட்டோஷூட்டா என்று விளங்கவில்லை. இது ஒரு நிகழ்ச்சியின் போஸ்டராக கூட இருக்கலாம். ஆனால், இதில் சுரேஷ் பார்க்க கூலாகதான் உள்ளார். இதற்கு, வாய்ப்பு கிடைத்தால் கூல் சுரேஷ் போல் பயன் படுத்தி கொள்ள வேண்டும் என்று அவரை சிலர் பாராட்டி வருகின்றனர்.