குக்கு வித் கோமாளி நிகழ்ச்சியின் இறுதிச் சுற்றின் ஷூட்டிங் நிறைவடைந்து விட்டதாகத் தகவல்கள் வந்துள்ளன.


மாபெரும் ஹிட் ஷோ


ஜோடி நம்பர் 1, சூப்பர் சிங்கர், பிக் பாஸ் நிகழ்ச்சிகளின் வரிசையில் விஜய் டிவியின் சமீபத்திய ஹிட் ரியாலிட்டி ஷோ குக் வித் கோமாளி. பிற சேனல்கள் சீரியசான குக்கிங் ஷோக்களை காரசாரமாக நடத்தி வந்த நிலையில், விளையாட்டாகத் தொடங்கி ரேட்டிங்கையும் அப்ளாசையும் அப்படியே மக்கள் மனதையும் வென்றுள்ளது விஜய் டிவியின் குக்கு வித் கோமாளி நிகழ்ச்சி.


சிறுவர்கள் முதல் பெரியவர்கள் வரை அனைவரும் விரும்பிப்பார்க்கும் இந்த நிகழ்ச்சி சீசன் 1 மற்றும் சீசன் 2 ஆகியவை பெரும் ஹிட் அடிக்க, சீசன் 3 தொடங்கி வெற்றிகரமாக ஒளிபரப்பாகி வருகிறது.


தர்ஷன் Vs ஸ்ருத்திகா


இந்நிகழ்ச்சி தற்போது இறுதிக்கட்டத்தை எட்டியுள்ள நிலையில், இறுதி எபிசோடின் ஷூட்டிங் நிறைவடைந்து விட்டதாகத் தகவல்கள் வந்துள்ளன.


குக்கு வித் கோமாளி நிகழ்ச்சியின் ஃபைனலிஸ்டுகளாக தற்போது தர்ஷன், அம்மு அபிராமி, வித்யூலேகா, ஸ்ருதிகா உள்ளனர். ஸ்ருதிகா இவர்களில் நேரடியாக இறுதிப் போட்டிக்குத் தேர்வானவர் ஆவார். இவர்களில் தர்ஷன், ஸ்ருதிகா இடையே கடும் போட்டி நிலவி வருகிறது.




இந்நிலையில், சின்னத்திரை பிரபலம் குரேஷி குக்கு வித் கோமாளி நிகழ்ச்சியின் இறுதி எபிசோட் நிறைவடைந்து விட்டதாக தன் சமூக வலைதளப் பக்கத்தில் இலைமறை காயாக அறிவித்துள்ளார். விரைவில் அடுத்த சீசனிம் சந்திப்போம் என்றும் அவர் தெரிவித்துள்ளார்.


இறுதிக்கட்டம்


கிரேஸ் கருணாஸ், மனோ பாலா, ரோஷினி, வித்யூலேகா, சந்தோஷ் பிரதாப், அம்மு அபிராமி, ராகுல் தாத்தா, ஸ்ருதிகா மற்றும் தர்ஷன் என 10 பிரபலங்கள், ஷிவாங்கி, மணிமேகலை, பாலா, சக்தி, சுனிதா ஆகியோருடம் புதிய கோமாளிகளாக குரேஷி, பரத், ஷீத்தல், அருண், மூக்குத்தி முருகன் ஆகியோருடன் இந்நிகழ்ச்சி தொடங்கியது.


இந்நிலையில், குக்கு வித் நிகழ்ச்சி பார்த்து நீண்ட நாள்களாக குழந்தை இல்லாமல் போராடி வந்த ஒரு பெண் கவலை மறந்து குழந்தை பெற்றதாக செஃப் வெங்கடேஷ் பட் கூறியது இணையவெளியில் பெரும் விவாதங்களைக் கிளப்பி பல எதிர்மறைக் கருத்துகளைப் பெற்றது.


எனினும் இவற்றையெல்லாம் தாண்டி டிஆர்பி ரேட்டிங்கில் இந்நிகழ்ச்சி வெற்றிகரமாக நடைபோட்டு தற்போது இறுதிக்கட்டத்தை எட்டியுள்ளது.



மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்


ABP நாடு செய்திகளை சமூக வலைத்தள பக்கங்களிலும் பின் தொடரலாம்


பேஸ்புக் பக்கத்தில் தொடர


ட்விட்டர் பக்கத்தில் தொடர


யூடியூபில் வீடியோக்களை காண