விஜய் டிவியில் ஒளிப்பரப்பாகிய சூப்பர் சிங்கர் நிகழ்ச்சி மூலம் பாடகராக அறிமுகமானார் சிவாங்கி. இந்த நிகழ்ச்சியில் அவர் பாடிய பாடல்கள் இணையத்தில் வைரலானது. அதனைத்தொடர்ந்து அவர் ‘குக் வித் கோமாளி’ நிகழ்ச்சியில் போட்டியாளராக களம் இறங்கினார். இந்த நிகழ்ச்சியில் அவர் செய்த லூட்டிகள், சேட்டைகள் எல்லாம் மக்களுக்கு மிகவும் பிடித்துப் போக, இவருக்காகவே அந்த நிகழ்ச்சியை ஏராளமானோர் பார்க்க ஆரம்பித்தனர்.
இந்நிகழ்ச்சியின் 2 ஆவது சீசன் கடந்த ஆண்டு முடிவுக்கு வந்தது. ஆனாலும், மீண்டும் ‘குக் வித் கோமாளி’ சீசன் 3 மீண்டும் ஒளிபரப்பப்பட்டு சிவாங்கி ஒரு கலக்கு கலக்கி வருகிறார். அதில், சிவாங்கி அடிக்கும் லூட்டிகள் சிறியவர்கள் முதல் பெரியவர்கள் வரை எல்லாரையும் கவர்ந்து வருகிறது. இதனால் எல்லோருக்கு பிடித்த ஒரு நடிகையாக சிவாங்கி மாறிவிட்டார். சின்னத்திரையில் கிடைத்த புகழின் மூலம் தற்போது வெள்ளித்திரையிலும் சிவாங்கி காலடி பதித்தார். சமீபத்தில் சிவகார்த்திகேயன் நடிப்பில் வெளியாகி ரசிகர்கள் மத்தியில் வரவேற்பை பெற்ற ‘டான்’ திரைப்படத்தில் முக்கிய கதாபாத்திரத்தில் சிவாங்கி நடித்து அடுத்த அத்தியாத்தில் அடி எடுத்து வைத்தார்.
விஜய் டிவி சமீபத்தில் குக் வித் கோமாளி சீசன் 3 ப்ரோமோ ஒன்றை வெளியிட்டது. அதில் கோமாளிகள் அனைவரும் சினிமாக்களில் வரும் கதாநாயகர், கதாநாயகிகள் போல் வேடமிட்டு இந்த வாரம் சேட்டை செய்ய இருக்கின்றனர். அதில் சிவாங்கி, தெறி படத்தில் நடிகை சமந்தாபோல் வேடமிட்ட வீடியோ மற்றும் புகைப்படங்கள் தற்போது இணையத்தில் வைரலாகி வருகிறது.
குக் வித் கோமாளி சிவாங்கி, தெறி படத்தில் நடிகை சமந்தா கதாபாத்திரமான மித்ரா கெட்டப்பை தான் போட்டு அசத்தியுள்ளார். சமந்தா எப்படி ஒரு ஆரஞ்சு நிற புடவையில் எந்த மாதிரியான நகைகள் அணிதிருந்தாங்களோ அதே கெட்டப்பில் சிவாங்கி காணப்படுகிறார்.
இதைப்பார்த்த சிவாங்கி ரசிகர்கள் கமெண்டில் பல ஹார்ட்டின்களை பறக்கவிட்டு வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்