சமீபத்தில் வெளியாகி மிகவும் பிரபலமான ஒரு ரியாலிட்டி ஷோ, குக் வித் கோமாளி. இந்த நிகழ்ச்சியின் மூலம் தனது தனித்துவமான பேச்சால் ரசிகர்களின் கவனத்தை ஈர்த்தவர் புகழ். அவர் மட்டுமல்லாது, அதே நிகழ்ச்சியில் கலந்து கொண்ட மற்றொரு நடிகரான அஷ்வினும் ரசிகர்கள் மத்தியில் செம ஹிட்டானார்.
குக் வித் கோமாளியில் நிகழ்ச்சியிலேயே இந்த இரண்டு பேரும் சேர்ந்து லூட்டி அடித்தால், மக்கள் அதிகமாக ரசித்தனர். இந்நிலையில், அறிமுக இயக்குனர் ஹரிஹரன் இயக்கி உருவாகி வரும் படத்தில் புகழ், அஷ்வின் ஆகியோர் நடித்து வருகின்றனர்.
இப்படத்தின் டைட்டில் லுக் போஸ்டர் இன்று வெளியானது. நடிகர் ஆர்யா வெளியிட்ட இந்த பதிவில், படத்தின் பெயர், “என்ன சொல்ல போகிறாய்” என்பது தெரிய வந்துள்ளது. குக் வித் கோமாளி நிகழ்ச்சிக்கு பிறகு சில இசை ஆல்பங்களில் அஷ்வின் வந்தார். இந்நிலையில், அவர் முன்னணி ஹீரோவாக நடிக்கும் வாய்ப்பு கிடைத்தது. இதே படத்தில் அஷ்வின் - புகழ் சேர்ந்து நடித்தல் ’சூப்பர் காம்போ’வாக இருக்கும் என நினைத்த இயக்குனர், ஹரிஹரன் புகழையும் இப்படத்தில் நடிக்க அழைத்துள்ளார்.
காமெடியை மையப்படுத்தி உருவாகி வரும் இப்படத்தில், அஷ்வின் - புகழ் ஜோடியை காண ரசிகர்கள் ஆவலுடன் உள்ளனர். இப்படத்தை டிரிடெண்ட் ஆர்ட்ஸ் நிறுவனம் தயாரிக்கிறது. ரிச்சர்டு எம் நாதன் ஒளிப்பதிவு செய்ய, பிரபல இசையமைப்பாளர்கள் விவேக் - மெர்வின் இப்படத்திற்கு இசையமைக்கின்றனர்.
அஷ்வின், ஹீரோவாக நடிக்க உள்ளார் என செய்தி வந்த போதே இப்படம் குறித்து ரசிகர்கள் மத்தியில் அதிக எதிர்பார்ப்பு இருந்தது. இன்னும் இப்படத்தின் முன்னணி நடிகை, மற்ற நடிகர்கள் குறித்த விவரங்கள் இன்னும் வெளிவராத நிலையில், படத்தின் டைட்டில் லுக் இப்போது வெளியாகி சமூகவலைதளத்தில் டிரெண்டாகி வருகின்றது.