மணிமேகலையை நமக்கெல்லாம் சன்டிவி வாயிலாகத் தான் தெரியும். சன் மியூஸிக்கில் பிரபல தொகுப்பாளினியாக வலம் வந்த அவர் தனது காதலாரன ஹுசைனை வீட்டை எதிர்த்து திருமணம் செய்தார். அவர்களின் காதல் திருமணம் ஊடகங்களின் முக்கியச் செய்தியாகக்கூட இடம் பெற்றது. திருமணத்திற்குப் பின்னர் மணிமேகலை விஜய் டிவிக்கு மாறினார்.
வந்தாரை வாழவைக்கும் விஜய் டிவி மிஸ்டர், அண்ட் மிஸஸ் சின்னத்திரை, குக் வித் கோமாளி என பல நிகழ்ச்சிக்களில் மணிமேகலைக்கு முக்கியத்துவம் கொடுத்தது. குக் வித் கோமாளி நிகழ்ச்சியில் கோமாளியாக இவர் செய்த நகைச்சுவை ரசிகர்களிடம் வரவேற்பையும் பெற்றது. சீசன் 2 எதிர் பார்த்ததை விட பெரிய ஹிட் ஆனது. மிகவும் கலகலப்பாக இந்த சீசன் நிறைவும் பெற்றது. அதை தொடர்ந்து தற்போது குக்வித் கோமாளி சீசன் 3 யும் போய் கொண்டிருக்கிறது. இதிலும் மணிமேகலையும் வாய்ப்பு கொடுக்கப்பட்டிருக்கிறது.
தொலைக்காட்சியில் தனது பணியைத் தாண்டியும் மணிமேகலை எப்போதுமே தனது ரசிகர்களை எங்கேஜ் ஆக வைத்திருப்பார். அவரது இன்ஸ்டா பக்கத்தில் லேட்டஸ்ட் ஃபோட்டோக்கள், தானும் தனது கணவரும் அடித்த லூட்டிகள், உள்ளிட்ட பலவற்றை பதிவிடுவது அவரது வழக்கம். அந்த லூட்டிகளை தனது யூடியூப் சேனலிலும் பதிவிட்டு வருகிறார். இவை ரசிகர்கள் மத்தியிலும் நல்ல வரவேற்பை பெற்று வருகிறது.
அந்த வகையில் அவர் தற்போது வெளியிட்டு வீடியோ தற்போது சமூக வலைதளங்களில் வைரலாகி வருகிறது. அந்த வீடியோவில், வெள்ளை வேட்டி, கழுத்தில் செயின், மீசை வரும் மணிமேகலையை பார்ப்பதற்கே நகைச்சுவையாக இருக்கிறது. மேலும் அந்த பதிவில், “ கண்ணு சுத்து வட்டாரத்துல உள்ள பதினெட்டு பட்டி இன்ஸ்டாகிராமத்துல இருக்கற உண்மையான, என் உயிரினும் மேலான 3 Million Followers ku இந்த நாட்டாமை மணிமேகலை யின் நன்றிகள். இனி இந்த இன்ஸ்டாகிராமமும் என்னோட பதினெட்டு பட்டி கிராமத்துல ஒன்னா அறிவிக்கிறேன்” என்று பதிவிட்டு இருக்கிறார்.