தமிழ்த் திரையுலகம் மாட்டுமில்லாமல் தென்னிந்திய திரையுலகின் மிக முக்கியமான நடிகர், தளபதி விஜய். இவரது 48வது பிறந்த நாளை முன்னிட்டு 48 திரைப் பிரபலங்கள் இணைந்து வெளியிட்ட காமன் டீ.பி இணையத்தை கலக்கி வருகிறது.
தளபதியின் 48வது பிறந்த நாள்
தளபதி விஜய் பிறந்த நாள் என்றாலே தமிழ் ரசிகர்கள் மட்டுமில்லாமல் உலகெங்கிலும் இருக்கும் பலதரப்பட்ட ரசிகர்களிடம் தனி குஷி பிறந்து விடுகிறது. அதுவும் இணையம் வந்த பிறகு உலகையே திரும்பி பார்க்க வைக்கும் வகையில், ட்ரெண்டிங்கில் இணையத்தை ஆக்கிரமித்து விடுகின்றனர். எப்போதும், ஒரு நடிகரின் பிறந்த நாளுக்காக அவரின் புகைப்படம் அல்லது அவர் தற்போது நடித்து வரும் படத்தின் அப்டேட் ஏதாவது இருக்கும். ஆனால் சமீப காலமாக ரசிகர்கள் மத்தியிலிருந்து காமன் டீ.பி வெளியிட்டு பிறந்த நாளைக் கொண்டாடுவதென்பது வழக்கமாகிவிட்டது. அவ்வகையில் இந்த ஆண்டு தளபதி விஜய் தனது 48வது பிறந்த நாளினை கொண்டாடுவதால், மொத்தம் 48 திரைப் பிரபலங்கள் இணைந்து ரசிகர்கள் உருவாக்கியிருக்கும் காமன் டீ.பியை வெளியிட்டுள்ளனர்.
வெங்கட் பிரபு, லோகேஷ் கனகராஜ், வரலட்சுமி உள்ளிட்ட 48 சினிமா பிரபலங்கள்
தளபதி விஜய்க்கு தென்னிந்திய சினிமாவில் உள்ள பிரபலங்கள் பலர் தீவிர ரசிகர்களாக இருந்து வருகின்றனர். அவ்வைகையில் இந்த முறை ரசிகர்கள் சார்பாக வெளியிடப்படும் காமன் டீ.பியை சினிமா பிரபலங்கள் வெளியிட்டுள்ளனர். இயக்குனர்கள் வெங்கட் பிரபு, லோகேஷ் கனகராஜ், இசையமைப்பாளர் தமன், நடிகர்கள் சாந்தனு, விக்ராந்த் மற்றும் நடிகைகள் பூஜா ஹெக்டே, காஜல் அகர்வால், மஞ்சு வாரியர், வரலட்சுமி உள்ளிட்ட மொத்தம் 48 சினிமா பிரபலங்கள் தளபதி விஜயின் 48வ்து பிறந்த நாளுக்கான காமன் டீ.பியை வெளியிட்டு நடிகர் விஜய்க்கு தங்களது பிறந்த நாள் வாழ்த்துகளை தெரிவித்துள்ளனர்.