வருங்காலத்தில் நடிகர் விஜயுடன் பணிபுரிய வாய்ப்பு கிடைத்தால் நிச்சயமாக பணிபுரிவேன் என "கோமாளி" படத்தின் இயக்குனர் பிரதீப் ரங்கநாதன் சமீபத்தில் கலந்துகொண்ட பேட்டியில் தெரிவித்துள்ளார்.


நடிகர் ஜெயம் ரவி நடிப்பில் 2019ம் ஆண்டு வெளியான "கோமாளி" திரைப்படம் மூலம் இயக்குனராக அறிமுகமானவர் பிரதீப் ரங்கநாதன். அப்படம் ஒரு சூப்பர் டூப்பர் வெற்றி படமாக அமைந்தது. அந்த படத்தின் வெற்றியைத் தொடர்ந்து பிரதீப் ரங்கநாதன் இயக்கியுள்ள திரைப்படம் "லவ் டுடே". வருங்காலத்தில் நடிகர் விஜயுடன் பணிபுரிய வாய்ப்பு கிடைத்தால் பணிபுரிவேன் என சமீபத்தில் நடைபெற்ற ஒரு நேர்காணலில் தெரிவித்துள்ளார் பிரதீப் ரங்கநாதன்.


 



"லவ் டுடே" படத்திற்கு கிடைத்த வரவேற்பு : 


ஏஜிஎஸ் என்டர்டெயின்மென்ட் நிறுவனத்தில் தயாரிப்பில் "லவ் டுடே" திரைப்படத்தை இயக்கி அப்படத்தில் ஹீரோவாகவும்  அறிமுகமாகி  உள்ளார் இயக்குனர் பிரதீப் ரங்கநாதன். ராதிகா, சத்யராஜ், யோகி பாபு, இவானா, சூப்பர் சிங்கர் புகழ் ஆஜித் உள்ளிட்டோர் முக்கியமான கதாபாத்திரத்தில் நடித்துள்ள இப்படத்திற்கு இசையமைத்துள்ளார் இசையமைப்பாளர் யுவன் ஷங்கர் ராஜா. சமீபத்தில் தான் இப்படத்தின் டிரெய்லர் வெளியாகி ரசிகர்களின் அமோக வரவேற்பை பெற்றது. அதனை தொடர்ந்து ஒன்றின் பின் ஒன்றாக படத்தில் மூன்று பாடல்கள் தற்போது வெளியாகியுள்ளது. யுவன் ஷங்கர் ராஜா இசையில் பாடல்கள் மூன்றும் சூப்பர். 


 


இன்றைய ட்ரெண்டிங் பாடல் :


இந்த நிலையில் தற்போது வெளியாகியுள்ள மூன்றாவது பாடலான "பச்ச இலை" பாடல் பட்டி தொட்டி எல்லாம் கலக்கி ரசிகர்களின் கவனத்தை ஈர்த்து இணையத்தில் ட்ரெண்டிங்கில் உள்ளது. படத்தின் டிரெய்லர், பாடல்கள் என அனைத்தும் ரசிகர்களை கவர மிகவும் ஆர்வத்துடன் படத்தின் ரிலீஸ் நாளுக்காக காத்து இருக்கிறார்கள் ரசிகர்கள். "லவ் டுடே" திரைப்படம் வரும் நவம்பர் 4ம் தேதியன்று திரையரங்கில் வெளியாகும் என்ற அறிவிப்பினை ஏற்கனவே வெளியிட்டு இருந்தனர் படக்குழுவினர்.  


 







விஜயுடன் பணிபுரிவேன் :


"லவ் டுடே" படத்தின் இயக்குனர் மற்றும் ஹீரோ பிரதீப் ரங்கநாதன் சமீபத்தில் அளித்த பேட்டி ஒன்றில் ஒரு சுவாரஸ்யமான தகவல் ஒன்றை பகிர்ந்துள்ளார். கோமாளி படத்தின் வெளியீட்டுக்கு பிறகு ஒரு நல்ல கதையுடன் இளைய தளபதி விஜய்யிடம் ஒரு கதை சொல்லியுள்ளார். அது அவருக்கு மிகவும் பிடித்து இருந்ததாகவும் வருங்காலத்தில் அவருடன் இணைந்து பணிபுரிய வாய்ப்பு கிடைத்தால் நிச்சயமாக அவர்கள் இருவரும் சேர்ந்து ஒரு படம் பண்ணுவோம் எனவும் தெரிவித்துள்ளார் பிரதீப் ரங்கநாதன்.