ஒரு பக்கம் கோப்ரா, மற்றொரு பக்கம் ‘பொன்னியின் செல்வன்’ என நடிகர் விக்ரம் படு பிசியாக ப்ரொமோஷன் பணிகளில் ஈடுபட்டு வருகிறார்.
இவர் நடிப்பில் உருவாகியுள்ள ‘கோப்ரா’ படம் வரும் ஆகஸ்ட் 31ஆம் தேதி வெளியாக உள்ளது. அதே சமயம் ‘பொன்னியின் செல்வன்’ செப்டெம்பர் 30ஆம் தேதி ரிலீஸாக உள்ளது.
இந்நிலையில், நாளை மாலை 7 மணிக்கு ட்விட்டர் ஸ்பேஸ் தளத்தில் கோப்ரா படம் குறித்து பேச உள்ளதாக விக்ரம் தன் ட்விட்டர் பக்கத்தில் பதிவிட்டுள்ளார்.
”என்னுடைய முதல் ஸ்பேஸ் நிகழ்வு, கோப்ரா ஸ்பேஸ்... எனக்கா உங்கள் இதயத்தில் கொஞ்சம் ஸ்பேஸ் உருவாக்கிக் கொள்ளுங்கள்” என நடிகர் விக்ரம் முன்னதாக இதுகுறித்து பதிவிட்டுள்ளார். இதில் பிற படக்குழுவினரும் கலந்துகொண்டு பேச உள்ளனர்.
கோப்ரா படத்தில், இந்திய கிரிக்கெட் அணியின் முன்னாள் வேகப்பந்துவீச்சாளர் இர்பான் பதான், கே.ஜி.எப். நாயகி ஸ்ரீநிதி ஷெட்டி, மிருணாளினி ரவி, மியா ஜார்ஜ், கனிகா, கே.எஸ்.ரவிக்குமார் எனப் பலர் நடித்துள்ளனர். அஜய் ஞானமுத்து இயக்கியுள்ள் இப்படத்துக்கு ஏ.ஆர்.ரஹ்மான் இசையமைத்துள்ளார்.
இப்படத்தை செவன்த் ஸ்கிரீன் ஸ்டூடியோஸ் நிறுவனம் தயாரித்துள்ளது. உதயநிதி ஸ்டாலினின் ரெட்ஜெயண்ட் மூவிஸ் நிறுவனம் இப்படத்தின் திரையரங்க வெளியீட்டு உரிமையை கைப்பற்றியுள்ளது.
முன்னதாக இப்படத்தின் இசை வெளியீட்டு விழா சென்னை ஃபீனிக்ஸ் மாலில் கோலாகலமான முறையில் நடைபெற்று முடிந்தது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்