மாஸ்டர் நடிகர் சிபியும், பிசினஸ்மேன், ஸ்டார்ட் அப் முனைவர் நிரூப் என இருவரும் அடுத்ததாக எண்ட்ரியாகி இருக்கிறார்கள். இந்த முறை பிக்பாஸ் எல்லாவிதமான துறைகளில் இருந்தும் ஆட்களை அள்ளித் தூக்கியிருக்கிறது. தமிழ் ரேப் கலைஞர் ஐக்கியமான ஐக்கியும், தாமரைச் செல்வியும் கண்டெஸ்டெண்ட் பட்டியலுக்கு ஒரு புது ஃப்ளேவர் கொடுத்தார்கள்
தாமரைச்செல்வி உள்ளே நுழைந்ததும், கலைக்குழு கச்சேரி நடத்தலாம்னு திட்டம் போட்ருச்சு. முன்னதாக, தமிழ்கடவுள்களை இயற்கை நிறத்திலேயே காட்டும் Dark is Divine பிரச்சாரம் மூலமாக பிரபலமான மாடல் சுருதி பெரியசாமியும், மாடல் அக்ஷராவும் எண்ட்ரி கொடுத்தார்கள். இமானை அறிமுகப்படுத்தியபோது, “இந்த குர்தாவைக் கொடுத்து என்னை சேட் ஜியா மாத்திட்டாங்க சார்” என்றார் இமான் அண்ணாச்சி. அண்ணாச்சியை சேட்ஜியாக மாற்றும் முயற்சி நாடுமுழுக்க நடக்கிறது. ஆனால் அண்ணாச்சி, அண்ணாச்சியாகவேதான் என கேப்பில் அரசியல் கடாவை வெட்டினார் கமல். ஆடியன்ஸ் மத்தியில் அள்ளியது அப்லாஸ். நடக்கட்டும், நடக்கட்டும் மொமெண்ட்.