பிக்பாஸ் நிகழ்ச்சியின் ஐந்தாவது சீசன் விரைவில் வெளியாக இருக்கிறது. இந்திய திரையுலகின் முன்னணி நடிகரும், மக்கள் நீதிமய்யத்தின் தலைவருமான கமல்ஹாசன் இந்த நிகழ்ச்சியின் முதல் சீசனில் இருந்து தொகுத்து வழங்கி வருகிறார். கடந்த 2017ம் ஆண்டு முதல் இந்த நிகழ்ச்சி ஒளிபரப்பாகி வருகிறது, இதுவரை நான்கு சீசன்கள் வெளியாகியுள்ளன. இந்நிலையில் பிக்பாஸ் நிகழ்ச்சிக்கு யாரெல்லாம் செல்ல உள்ளார்கள் என பல கணிப்பு பட்டியல் வெளியாகிவருகிறது.
இந்நிலையில் பிரபல நடிகையான லக்ஷ்மி ராமகிருஷ்ணன் பிக் பாஸ் குறித்து பதிவிட்டுள்ளார். அவர் குறிப்பிட்டுள்ள ட்வீட்டில், நான் பிக் பாஸில் பங்கேற்பதாக என பெயர் அடிபடுகிறது. இது ஒவ்வொரு சீசனிலும்தொடர்கிறது. நான் பிக்பாஸ் 5ல் பங்கேற்கவில்லை. அந்த பட்டியலில் இருந்து நீக்கவும். நான் இதனை தெளிபடுத்துகிறேன் என தெரிவித்துள்ளார்
பிக்பாஸ் 5ல் யாரெல்லாம் பங்கேற்க உள்ளனர் என்கிற எதிர்பார்ப்பும், ஊகமும் பரவலாக அதிகரித்துள்ளது. இந்நிலையில் பிக்பாஸ் நிகழ்ச்சியில் பங்கேற்பவர்கள் பற்றிய தகவல்கள் தற்போது கசியத் துவங்கியுள்ளன. அதில் முதல் போட்டியாளராக நடிகை ஷகிலாவின் வளர்ப்பு மகளான திருநங்கை மிலா முதற் போட்டியாளராக தேர்வு செய்யப்பட்டுள்ளதாக தகவல் வெளியாகியுள்ளது. அது உறுதியான தகவல் என்றும் தற்போது வரும் தகவல்கள் தெரிவிக்கின்றன.
ஷகிலா குக் வித் கோமாளி நிகழ்ச்சியில் பங்கேற்ற போது அவரது வளர்ப்பு திருநங்கை மகளான மிலா வெளியில் தெரியவந்தார். சிறு வயதிலேயே அவரை தத்தெடுத்த ஷகிலா, தொடர்ந்து தன்னுடன் வளர்த்து வருகிறார். இதற்கிடையில் ஷகிலாவை பிக்பாஸ் நிகழ்ச்சியில் பங்கேற்க முயற்சிகள் நடந்ததாகவும், ஆனால் அவர் தான் தனது திருநங்கை மகளை பரிந்துரை செய்ததாகவும் கூறப்படுகிறது.
டிக்டாக் புகழ் ஜி.பி.முத்து இந்த நிகழ்ச்சியில் பங்கேற்க உள்ளதாக தொடர்ந்து தகவல்கள் வெளியாகி வந்தது. ஆனால், அதிகாரப்பூர்வமாக எந்த தகவலும் வெளியாகவில்லை. பிக்பாஸ் நிகழ்ச்சிக்கான படப்பிடிப்பு சென்னை, பூந்தமல்லியில் உள்ள பிரம்மாண்ட அரங்கில் நடைபெறுவது வழக்கம். இந்த நிலையில், டிக்டாக் புகழ் ஜி.பி. முத்து தனது இன்ஸ்டாகிராமில் ஒரு புகைப்படம் ஒன்றை பதிவிட்டுள்ளார். அந்த புகைப்படத்தில் ஜி.பி.முத்து, பூந்தமல்லியில் பிக்பாஸ் படப்பிடிப்பு நடைபெறும் அரங்கத்தின் முன்பு நின்று கொண்டு போஸ் கொடுப்பது போல உள்ளது. இந்த புகைப்படத்தின் மூலம் பிக்பாஸ் நிகழ்ச்சியில் டிக்டாக் புகழ் ஜி.பி.முத்து பங்கேற்பது ஏறத்தாழ உறுதியாகியுள்ளது. எஞ்சியுள்ள போட்டியாளர்கள் பற்றிய எந்த விவரமும் இதுவரை வெளியாகவில்லை