விஜய் டிவியில், பிக்பாஸ் சீசன் 5 பயங்கர பரபரப்பா போய்க்கிட்டு இருக்கு. நேற்று சீசன் 5-இன் எபிசோட் 23. வார இறுதி எபிசோடுக்கு ஏற்கனவே ரசிகர்கள் குஷியாகிட்டாங்க. அபிஷேக் எலிமினேட் ஆனதாக சொல்லப்படுகிறது.
அபிஷேக்கிடம், “குழந்தைங்களை கூட்டிட்டு வந்துட்டாங்கப்பா” என சொன்னீர்களே என்றார் கமல். வழக்கம்போல அபிஷேக் சமாளித்தார். ராஜூ மோகனின் விளையாட்டை பாராட்டினார் கமல்.மதுவுக்கு ஸ்லிப் எழுதிக்கொடுத்த அக்ஷராவை நறுக்கென கேள்வி கேட்டார் கமல்ஹாசன். அதை விமர்சிக்க ப்ரியங்காவுக்கும் குறும்படம் போடாமலே குட்டு வைத்தார்.
சின்னப்பொண்ணுவை உடலைத்தடவி சோதனை செய்தது உங்களுக்கு சங்கடமாக இல்லையா என ப்ரியங்காவைக் கேள்வி கேட்டார் கமல். அதற்கு விளையாட்டுதானே, எல்லாரையும் கேட்டுவிட்டுத்தான் செய்தேன் என சப்பைக்கட்டு கட்டினார். ”கனடாவில் தான் சோதிக்கப்பட்டதாக சொன்ன கமல், பெயரும் தனக்கு வித்தியாசமாக இருந்து, தாடியும் வைத்திருந்ததால் தன்னை வேறு விதமாக சோதனை செய்தார்கள்” என்றார். ”என் படத்திலேயே காட்சிகள் வைத்திருப்பதால், அது எனக்கு நன்றாக தெரியும். இந்த சோதனைகள் காயப்படுத்தும்” என்றார்.
இனி ப்ரியங்கா ஆர்மியின் ட்வீட்களைப் பார்க்கலாம்...