பிக்பாஸ் சீசன் 5ன் வீக்கெண்ட் எபிசோடின் 2 வது புரோமோ வெளியாகியிருக்கிறது. அதில் மதுமிதா, ஐக்கி பெரி ஆகியோர் காப்பாற்றப்படுகிறார்கள். இந்த வார கேப்டன் வருண் பால் டப்பாவை எடுத்து, இந்தப் பால் நல்லா இருக்கு, வெள்ள கலர்ல என்கிறார். தொடர்ந்து மதுமிதா, ஐக்கி பெரிக்கான பாட்டில்களை எடுக்கிறார்.
தற்போது 14 போட்டியாளர்கள் பிக்பாஸில் தொடர்ந்து விளையாடி வருகிறார்கள் இந்த வாரத்திற்கான நாமினேஷன் பட்டியலில் அபிநய், இசை வாணி , ஐக்கி, மதுமிதா, சிபி, அக்ஷரா, பாவனி, சுருதி மற்றும் நிரூப் ஆகியோர் இருக்கிறார்கள். புரோமோவின்படி 2 பேர் சேவ் செய்யப்பட்டுள்ளனர்.
போட்டி துவங்கியதிலிருந்தே சிறப்பாக செயல்படவில்லை என்று கமலால் சுட்டிக்காட்டப்பட்ட அபினய் வெளியேற்றப்படலாம் என்று பலரும் எதிர்பார்க்கிறார்கள். இதை உறுதி செய்வது போல அபினய் மற்றும் சுருதி ஆகியோர் நாமினேஷனில் குறைந்த வாக்குகளை பெற்றுள்ளதாகக் கூறப்படுகிறது. எனவே இவர்கள் இருவரில் யாராவது ஒருவர் இந்த வாரம் பிக்பாஸிலிருந்து வெளியேற்றப்படலாம் என்று தகவல் வெளியாகி இருக்கிறது.
முன்னதாக வீக்கெண்ட் எபிசோடின் முதல் புரோமோ வெளியானது. அதில் வழக்கம் போல் டிப் டாப் உடையில் வந்திருக்கிறார். 'பர்த் டே பாய்' வேறு.. சொல்லவா வேண்டும்..? ம்ம்... அழகாக வந்திருக்கிறார் கமல். எங்கள் மனதில் நீங்கா இடம் பிடிச்சுட்டீங்க என வாழ்த்துகள் சொல்கிறார் பிரியங்கா. கேக்கையும், சோற்றையும் உள்ளே அனுப்பச்சொல்லி கலகல 'சோறவிட இந்த உலகத்தில் ஒசந்தது ஒன்னுமில்லே" பாடலைப் பாடுகிறார்கள். நம்ம சார்பாகவும் ஹேப்பி பர்த்துடே கமல் சார்!