Bigg Boss 5 Tamil Day 68: விஜய் டிவியில் ஒளிபரப்பாகும் பிக்பாஸ் சீசன் 5 நிகழ்ச்சியில் நாடியா, அபிஷேக், சின்னப்பொண்ணு, ஸ்ருதி, மதுமிதா, இசைவாணி, ஐக்கி பெர்ரியை அடுத்து டிசம்பர் 5-ம் தேதி ஒளிபரப்பான எபிசோடில் இரண்டாவது முறையாக அபிஷேக் எலிமினேட்டாகி வெளியேறினார்.
அதனை தொடர்ந்து, இந்த வாரத்தின் முதல் நாளான்று நடைபெற்ற தலைவருக்கான போட்டியில் அமீர் வெற்றி பெற்று தலைவராக அறிவிக்கப்பட்டபோது பாவனி நாணயத்தை பயன்படுத்தி தலைவர் பதவியை தட்டிப்பறித்து கொண்டார். இந்நிலையில், பிக் பாஸ் நிகழ்ச்சியின் 68வது நாளுக்கான இரண்டாவது ப்ரொமோ வெளியாகி உள்ளது.
கடந்த சில வாரங்களாகவே பாவனிக்கு, ராஜூவுக்கும் மோதல் நிலவி வந்த நிலையில், இன்று அதற்கு ஒரு முற்றுப்புள்ளி வைத்திருப்பதாக தெரிகிறது. முதல் ப்ரொமோவில் ராஜூவும் - பாவனியும் நட்பு பாராட்ட, அடுத்த ப்ரொமோவில் இதுவரை எதிரும் புதிருமாக இருந்த ப்ரியங்கா - தாமரை அன்பாய் பேசிக்கொள்ளும் வீடியோ வெளியாகி இருக்கின்றது. இதுவரை ஏன் பிரச்சனை ஏற்பட்டது, என்ன செய்ய வேண்டும் என இருவரும் உட்கார்ந்து பேசுகின்றனர். இதனால், மோதலாய் இருந்து வந்த பிக் பாஸில் ட்விஸ்ட் வைக்கப்பட்டிருக்கிறது. எனினும், உண்மை சம்பவம் நடந்தது என்ன என்பது நிகழ்ச்சியில்தான் தெரிய வரும்.
ப்ரொமோ:2
மேலும் இன்றைய முக்கியச் செய்திகள்...
ABP நாடு செய்திகளை Google News -ல் பின் தொடர இங்கே கிளிக் செய்யவும்