பிக்பாஸ் அல்டிமேட் நிகழ்ச்சியில் இருந்து நடிகை வனிதா தானாக முன்வந்து வெளியேறியுள்ளார்.
விஜய் டிவியில் ஒளிப்பரப்பாகும் ரியாலிட்டி ஷோக்களுக்கு எப்போதும் தனி ரசிகர்கள் பட்டாளமே உள்ளது. குறிப்பாக மக்களிடம் நல்ல வரவேற்பைப் பெற்றிருக்கும் ஷோக்கள் அனைத்தும் சீசன்1, சீசன் 2 என எண்ணிக்கையை அடிக்கிக் கொண்டே போகும். அப்படி மக்களிடம் மிகுந்த வரவேற்பைப்பெற்றுள்ள ஷோ தான் பிக்பாஸ். நடிகர் கமல்ஹாசன் தொகுத்து வழங்கும் இந்நிகழ்ச்சியில் பிரபலமான பல போட்டியாளர்கள் பங்கேற்பார்கள். இப்படி பிக்பாஸ் சீசன் 5 முடிவடைந்தவுடனே பிக்பாஸ் அல்டிமேட் எனும் 24 மணி நேர பிக்பாஸ் நிகழ்ச்சி ஹாட்ஸ்டாரில் ஒளிப்பரப்பாகிவருகிறது.
இதில் பிக்பாஸ் நிகழ்ச்சியில் பல்வேறு பிரச்சனைகள் மற்றும் சல சலப்புகளுக்குக் காரணமாக வனிதா, தாமரை, ஜூலி, ஸ்னேகன், சுரேஷ் சக்ரவர்த்தி போன்ற பல பலர் பங்கேற்றுள்ளனர். ஆரம்பம் முதலே விறுவிறுப்பாக நிகழ்ந்துக்கொண்டிருக்கும் இந்நிகழ்ச்சி எப்போது சூடுபிடிக்கும் என ரசிகர்கள் காத்திருந்தனர். குறிப்பாக வனிதா அக்கா என்ன செய்யப்போறாங்க? என எதிர்ப்பார்த்திருந்த நிலையில் தான், வனிதாவிற்கும், தாமரைச் செல்விக்கும் இடையே சலசலப்பு ஏற்பட்டது. குறிப்பாக கடந்த சில நாட்களாகவே தாமரை மற்றும் வனிதா இருவருக்கும் அடிக்கடி சலசலப்பு ஏற்பட்டுவந்தது.
இந்த நிலையில், விஜய் டிவி வெளியிட்ட புதிய ப்ரோமோவில் நடிகை வனிதா பிக்பாஸ் வீட்டை விட்டு வெளியேறியுள்ளார். தான் உடலளவிலும், மனதளவிலும் பாதிக்கப்பட்டுள்ளதாகவும், தன்னை வீட்டில் இருந்து வெளியே அனுப்புமாறும் பிக்பாஸிடம் வனிதா கூறுகிறார். வனிதாவின் கோரிக்கையை ஏற்று பிக்பாஸ் வெளியே போகலாம் என்று சொல்ல,வனிதா வீட்டை விட்டு வெளியேறுகிறார்.
முன்னதாக, பிக்பாஸ் அல்டிமேட் நிகழ்ச்சியில் இருந்து விலகுவதாக கமல்ஹாசன் கூறினார். அவருக்கு சிலம்பரசன், ரம்யா கிருஷ்ணன் உள்ளிட்டோர் நிகழ்ச்சியை தொகுத்து வழங்குவார்கள் என்று கூறப்படுகிறது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்