பிக்பாஸ் சீசன் 7 நிகழ்ச்சியின் 10வது நாளுக்கான இரண்டாவது ப்ரோமோ வீடியோ வெளியிடப்பட்டுள்ளது. இதில் போட்டியாளர் பிரதீப் ஆண்டனி கோபத்தில் பேசும் காட்சிகள் இடம் பெற்றுள்ளது.
வினுஷா தேவி, டான்ஸர் ஐஷூ, விஜய் வர்மா, சரவண விக்ரம்,கூல் சுரேஷ், மணி சந்திரா, ரவீனா தாஹா, யுகேந்திரன் வாசுதேவன் நிக்ஸன், அனன்யா ராவ், ஜோவிகா விஜயகுமார், விஷ்ணு விஜய், பிரதீப் ஆண்டனி, விசித்ரா, மாயா கிருஷ்ணா, அக்ஷயா உதயகுமார், பூர்ணிமா ரவி, பவா செல்லத்துரை ஆகிய 18 போட்டியாளர்கள் கலந்து கொண்ட பிக்பாஸ் நிகழ்ச்சியின் 7வது சீசன் கடந்த அக்டோபர் 1 ஆம் தேதி கோலாகலமாக தொடங்கியது. வழக்கம்போல கமல்ஹாசன் தான் இந்நிகழ்ச்சியை தொகுத்து வழங்கி வருகிறார்.
முதல் வாரம் பிக்பாஸ் நிகழ்ச்சியில் இருந்து அனன்யா ராவ் வெளியேற்றப்பட்ட நிலையில், எழுத்தாளர் பவா செல்லதுரை உடல்நலக்குறைவால் தாமாக முன் வந்து வெளியேறினார். இதனால் 16 போட்டியாளர்களுடன் இந்நிகழ்ச்சி ஒளிபரப்பாகி வருகிறது. பிக்பாஸ் நிகழ்ச்சி வார நாட்களில் இரவு 9.30 மணி முதல் 10.30 மணி வரையும், வார இறுதி நாட்களில் இரவு 9.30 மணி முதல் 11 மணி வரையும் ஒளிபரப்பாகி வருகிறது. மேலும் ஹாட் ஸ்டார் ஓடிடி தளத்தில் பிக்பாஸ் நிகழ்ச்சி 24 மணி நேரமும் நேரலையாக சென்று கொண்டிருக்கிறது.
இப்படியான நிலையில் இன்றைய தினத்துக்கான (அக்டோபர் 11) இரண்டாவது ப்ரோமோ வெளியாகியுள்ளது. ஏற்கனவே காலை வெளியான முதல் ப்ரோமோவில் பிரதீப் ஆண்டனி - நிக்ஸன் இடையே காரசார மோதல் ஏற்பட்ட காட்சிகள் ஒளிபரப்பாகியது. தற்போது வெளியான ப்ரோமோவில் நிக்ஸனிடம் பேசும் பிரதீப், “இந்த ஹால்ல போன வாரம் என்ன பத்தி, ரூல்ஸ் பத்தி யாருக்குமே தகுதி கிடையாது. நீ உன்னை ராப்பர், ஆர்டிஸ்ட், என் குரல் எடுத்து நான் பாடுவேன் சொல்றல அப்ப அதுக்கு பேரு வீரம் இல்லாம வேற என்ன? நீங்க எதுக்கு ஆர்டிஸ்ட்ன்னு வெளியே சொல்லிக்குறீங்க. உன்னை கலைஞனா மதிச்சி ட்ரீட் பண்ணதுக்கு என்னை செருப்பால அடிக்கணும்” என தெரிவிக்கும் காட்சிகள் இடம் பெற்றுள்ளது.
மேலும் படிக்க: Bigg Boss 7 Tamil: ‘நீங்க லவ்வர்ஸ் தானே.. சந்தேகமா இருக்கு’.. விசித்ரா விசாரணையில் உண்மையை சொன்ன மணி - ரவீனா..!