நேற்று ஷெரினா சாம் வெளியாகிய நிலையில், புத்துணர்ச்சியுடன் புது வாரத்தை பிக்பாஸ் சீசன் 6 நிகழ்ச்சி துவங்குகிறது.
காலையில் வெளியான ப்ரோமொவில், ஸ்க்ராட்ச் கார்ட் என்ற டாஸ்கினை போட்டியாளர்கள் விளையாடுகின்றனர். அதில் கோல் அடித்த தனலட்சுமியுடம், பிக் பாஸ் மற்ற போட்டியாளர்களுக்கு ஃப்ரீ அட்வைஸ் கொடுக்க வேண்டும் என சொல்கிறார். அதை தொடர்ந்து தனலட்சுமி ஒவ்வொரிடமும் இருக்கும் குறைகளை சொல்கிறார். அதிகமாக சண்டை போடும் அசிமிடம் “ பேச வேண்டும் என்று பேசாமல், ரெண்டு பக்கமும் கேட்டு நீங்கள் பேச வேண்டும்” என்று அட்வைஸ் கொடுக்கிறார்.
அடுத்து வந்த ப்ரோமோவில், இந்த வார எலிமினேஷன் நாமினிஸ்களை தேர்ந்தெடுக்க பிக்பாஸ் அறிவிப்பு விடுக்கிறார். அதற்கு ஏற்றவாரு, போட்டியாளர்களும் தக்க காரணங்களோடு சக போட்டியாளர்களின் பெயரை கூறி நாமினேட் செய்கின்றனர். இதில் ஆயிஷாவை நிறைய பேர் தேர்ந்தெடுக்கின்றனர். அதுபோக, தனலட்சுமி, ராம், மகேஸ்வரி, அசிம், விக்ரமன் ஆகியோரை தேர்வு செய்கின்றனர்.
மூன்றாவது ப்ரோமோவில், பிக்பாஸ் வீடு “ கண்ணா லட்டு திண்ண ஆசையா” மற்றும் “ அட தேன் அட” என இரண்டு அணிகளாக பிரிக்கப்படுகிறது. இந்த டாஸ்க்கில், அந்த ஸ்வீட் ஸ்டால் 24 மணி நேரம் இயக்கப்பட வேண்டும், பலகாரங்களை செய்து ஆர்டர் எடுக்க வேண்டும். அதுமட்டுமில்லாமல், கல்லாவில் உள்ள பணத்தையும் பொருட்களையும் பாதுகாக்கவேண்டும் என அறிவிக்கப்பட்டுள்ளது.
பிக் பாஸ் போட்டியாளர்கள் :
இந்நிகழ்ச்சியின் முதல் வாரத்தில், ஜிபி முத்து அவராகவே வெளியேறினார். பின் அதே வாரத்தில் எலிமினேட் செய்யப்பட்ட சாந்தியை அடுத்து, இரண்டாம் வாரத்தில் அசல் கோலார் எலிமினேட் செய்யப்பட்டார். மூன்றாம் வாரத்தில் ஷெரினா ஷாம் வெளியானார். இவர்கள் சென்ற பின், ராபர்ட் மாஸ்டர், திருநங்கை ஷிவின் கணேசன்,அரவிந்த், சீரியல் நடிகர் முகமது அசிம், சீரியல் நடிகை ஆயிஷா, மணிகண்ட ராஜேஷ், சரவணன் மீனாட்சி ரக்ஷிதா, ராம் ராமசாமி, பாடகர் தினேஷ் கனகரத்தினம் , விஜே மகேஸ்வரி, அமுதவாணன், நடனக் கலைஞர் மணிச்சந்திரா, விஜே கதிரவன், நடிகை குயின்ஸி, சிங்கப்பூர் மாடல் நிவாசினி, டிக்டாக் பிரபலம் தனலட்சுமி, விசிக மாநில செய்தி தொடர்பாளர் விக்ரமன் மற்றும் மைனா நந்தினி என மொத்தம் 17 போட்டியாளர்கள் உள்ளனர் என்பது குறிப்பிடதக்கது.