Bigg Boss 5 Tamil Day 61: விஜய் டிவியில் ஒளிபரப்பாகும் பிக்பாஸ் சீசன் 5 நிகழ்ச்சியில் நாடியா, அபிஷேக், சின்னப்பொண்ணு, ஸ்ருதி, மதுமிதா, இசைவாணியை அடுத்து, நவம்பர் 28-ம் தேதி ஒளிபரப்பான எபிசோடில் ஐக்கி பெர்ரி எலிமினேட் செய்யப்பட்டார்.
அதனை தொடர்ந்து, இந்த வாரத்தின் முதல் நாளான்று இந்த வாரத்திற்கான தலைவராக இமான் தேர்ந்தெடுக்கப்பட்டபோது, ஆளுமையை பயன்படுத்தி நிரூப் இமானின் தலைவர் பதவியை தட்டி பறிக்கிறார். அதனை தொடர்ந்து, அக்ஷ்ரா,பாவனி, சிபி, இமான், ப்ரியங்கா, வருண், அபிஷேக், ராஜூ, தாமரை மற்றும் அபினய் என 10 பேர் நாமினேட்டாகினர்.
இந்நிலையில், பிக் பாஸ் பிரேக்கிங் நியூஸ் நிகழ்ச்சி வீட்டிற்குள் அரங்கேறியது. அந்த டாஸ்க் நடந்து முடிந்ததில் இருந்து வீட்டுக்குள் பிரச்சனையோ பிரச்சனை. அந்த வரிசையில், இன்றைய முதல் ப்ரொமோவில் நீருப் - அபிஷேக் - ப்ரியங்கா மத்தியில் மோதல் வெடிக்கின்றது. இதனால், கடுப்பாகும் ப்ரியங்க, ‘என்ன வெளிய அனுப்புங்க, I will go out' என கேமரா பார்த்து பேசுகிறார். அடுத்த ப்ரொமோவிலும் இந்த மூவரின் சண்டையே ஹைலைட்டாக காண்பிக்கப்படுகிறது. இம்முறையும், நீரூப் - ப்ரியங்காவுக்கு இடையேயான மோதலில் அபிஷேக் மூக்கை நுழைக்கிறார். தனது கருத்துகளை பகிர்ந்து கொள்கிறார் அபிஷேக். அவர் பேசுவது பிரச்சனையை சரி செய்வது போல இல்லை, பெரிதாக்குவது போல உள்ளது. அப்போது பேசிய ப்ரியங்கா, தான் குறும்படத்துக்கு காத்திருப்பதாகவும், என்னை வெளியே போக சொன்னால் நான் போய்டுவேன் எனவும் சவால் விடுகிறார்.
மேலும் இன்றைய முக்கியச் செய்திகள்...
ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்