விஜய் டிவியில் ஒளிபரப்பான பிக் பாஸ் சீசன் 3 நிகழ்ச்சியில் ஒரு போட்டியாளராக நுழைந்ததன் மூலம் பிரபலமானவர் நடிகை சாக்ஷி அகர்வால். ஃபிட்னஸ் குறித்து அவர் பேசிய வீடியோ ஒன்று தற்போது ட்ரோல் செய்யப்பட்டு வருகிறது.
டிப்ஸ்களை வரி வழங்கும் சாக்ஷி :
ராஜா ராணி, காலா, விஸ்வாசம், அரண்மனை 3 , டெடி போன்ற படங்களில் சின்ன சின்ன கதாபாத்திரங்களில் நடித்துள்ள சாக்ஷி தற்போது ஏராளமான திரைப்படங்களில் நடித்து வருகிறார். சினிமாவில் நடிப்பது மட்டுமின்றி சமீப காலமாக ஃபிட்னெஸ் குறித்த பல அட்வைஸ்களை வாரி வழங்கி வருகிறார் சாக்ஷி. சோஷியல் மீடியாவில் மிகவும் ஆக்டிவாக இருக்கும் சாக்ஷி அவ்வப்போது போட்டோஷூட் புகைப்படங்களை பகிர்வது வழக்கம். அந்த வகையில் ஒர்க் அவுட் வீடியோக்களையும் பகிர்ந்து வருகிறார். ஆரோக்கியமான உடலுக்கு தேவையான டிப்ஸ், சரும பாதுகாப்புக்கு டிப்ஸ் என பல அட்வைஸ்களை கொடுத்து வருகிறார் சாக்ஷி அகர்வால்.
தப்பான அட்வைஸ் :
அந்த வகையில் சாக்ஷி பிட்னெஸ் பற்றி பேசுகையில் "இரண்டு மூன்று மாதங்களுக்கு இதயத்திற்கான உடற்பயிற்சிகளை மட்டுமே மேற்கொள்ள வேண்டும். எடுத்த உடனேயே வெயிட் லிஃப்ட் செய்யக்கூடாது. ஏனென்றால் உங்கள் உடலில் உள்ள கொழுப்பு அனைத்தும் தசைகளாக மாறிவிடும். அது ரொம்ப மோசமான விளைவுகளை ஏற்படுத்தும்" என சாக்ஷி கூறிய விடியோவை பகிர்ந்து அவர் கூறியது தவறு என்பதை தெளிவுபடுத்தியுள்ளார் ஒரு ஃபிட்னஸ் பயிற்சியாளர்.
பங்கமான ட்ரோல் :
அவங்க சொல்றது எப்படி இருக்கு என்றால் கையில் ஒரு கட்டையை எடுத்துக்கொண்டு போய் அதை உருக்கினால் அது மெட்டலாக மாறிவிடும் என கூறுவதுபோல இருக்கு. உடலில் உள்ள கொழுப்பு மற்றும் தசை என்பது வெவ்வேறு விஷயங்கள். உடலில் உள்ள கொழுப்பு எப்போதுமே தசையாக மாற முடியாது அதுபோல தசை கொழுப்பாக மாற முடியாது. ஃபிட்னஸ் பற்றின எந்த ஒரு முழுமையான அறிவும் இல்லாமல் எப்படி இப்படி வந்து அட்வைஸ் கொடுக்குறாங்க என்றே தெரியவில்லை" என பங்கமாக ட்ரோல் செய்துள்ளார் ஒரு ஃபிட்னஸ் பயிற்சியாளர்.
கலாய்க்கும் ரசிகர்கள் :
அவரின் இந்த பதிவிற்கு பலரும் கமெண்ட்களை தெறிக்கவிட்டுள்ளனர். ஒரு வேலை சாக்ஷிக்கு கொழுப்பு தசையாக மாறுமோ என்னமோ என நக்கல் செய்து வருகிறார்கள். எதை பற்றியும் முழுமையான புரிதல் இல்லாமல் இஷ்டத்துக்கு வாய்க்கு வந்ததை எல்லாம் அட்வைஸ் என்ற பெயரில் அடிச்சு விட கூடாது என்பது சாக்ஷி மூலம் நிரூபணமாகியுள்ளது.