தனியார் தொலைக்காட்சியில் ஒளிப்பரப்பாகும் பிக்பாஸ், தமிழ்நாட்டின் சின்னத்திரை ரசிகர்களிடம் நல்ல வரவேற்பை பெற்ற ஒரு நிகழ்ச்சியாகும். பொதுவாக வருடத்திற்கு ஒரு சீசன் என இதுவரை வெற்றிகரமாக 5 சீசன் முடிவடைந்தது. பிக் பாஸ் அல்டிமேட் எனும் நிகழ்ச்சியில் ஒரு சீசன் மட்டும் முடிவடைந்தது. பிக் பாஸ் அல்டிமேட்டில் பாலாஜி முருகதாஸ் டைட்டிலை வென்றார்.
ட்ரெண்டிங்கில் உள்ள நட்சத்திரங்களை அழைத்து 100 நாள் கதறவிடுவது இந்தஷோவின் ஹைலைட். பிரபலமாகலாம் என நினைத்து வரும் நட்சத்திரங்களை ஏன்டா வந்தோம் என நினைக்கும் அளவுக்கு சில சம்பங்கள் முந்தைய சீசன்களில் நடைபெற்றது. முழுவதுமாக இந்த ஷோ வேஸ்ட் என சொல்ல முடியாது, இந்த ஷோவிற்கு பல ரசிகர்கள் உள்ளனர். பலர் விரும்பி பார்த்தாலும் 9 மணிக்கு மேல் என்ன செய்வது என முழித்து கொண்டு இருப்பவர்கள் இந்த நிகழ்ச்சியை பார்ப்பதும் உண்டு.
இன்னொரு பக்கம் இவர்கள் வெளியிடும் ப்ரொமோவை பார்த்து என்னதான் நடக்கும் இந்த எப்பிசோடில் என எதிர்ப்பார்த்து வருபவர்களும் உண்டு. உப்பு இல்லாத சாப்பாட்டை சாப்பிட்டது போல என்னடா இன்னிக்கு ப்ரொமோல அடிச்சிக்கிட்டு சண்ட போட்ற மாறி காட்னாங்க ஆன இந்த எபிசோட்ல ஒன்னும் தேரலையே என்று வெறுப்பாகும் ரசிகர்களும் உண்டு.
வழக்கமாக பிக்பாஸ் ஒளிபரப்பாகும் தனியார் தொலைக்காட்சியில் உள்ள ஆர்டிஸ்ட்களே போட்டியாளர்களாக கலந்துகொள்வர். அதுபோக மொக்க பர்ஃபார்மன்ஸ் செய்தாலும் அவர்களை குறைந்த பட்சம் 50 நாட்களாவது உள்ளே வைத்து அழகு பார்ப்பார்கள்.
தற்போது பிக் பாஸ் சீசன் 6-ன் புதிய லோகோ அதிகாரபூர்வமாக வெளியிடப்பட்டுள்ளது. விரைவில் பிக் பாஸ்.. என்ற கேப்ஷனை இதில் பதிவிட்டுள்ளனர். முன்னதாக நிகழ்ச்சியின் போட்டியாளர்களாக குக் வித் கோமாளி சுனிதா, ஜி.பி.முத்து, தொகுப்பாளினி டிடி, தொகுப்பாளர் ரக்ஷன், யாரடி நீ மோகினி கார்த்திக் , பாடகி ராஜலட்சுமி , நடிகை ஸ்ரீநிதி உள்ளிட்டோர் பங்குபெறவுள்ளதாகவும் தகவல் லீக் ஆனாது. இதுவரை கமல்ஹாசன், சிம்பு ஆகியோர் இந்நிகழ்ச்சியை தொகுத்து வழங்கினர். ஆனால், தற்போது இருவரும் அவர்களின் பட ஷூட்டிங்கில் பிசியாக உள்ளனர். இடையில் சில நாட்கள் நடிகை ரம்யா கிருஷ்ணன் தொகுத்து வழங்கினார். அதனால் இம்முறை 6 சீசனை ரம்யா கிருஷ்ணன் தொகுத்து வழங்கலாம் என எதிர்ப்பார்க்கப்படுகிறது.