பிக்பாஸ் நிகழ்ச்சியில் இருந்து இந்த வாரம் யார் வெளியேறப் போகிறார் என்ற ரசிகர்களின் கேள்விக்கு விடை கிடைத்துள்ளது.
விஜய் டிவியின் பிரபலமான நிகழ்ச்சியான பிக்பாஸ் நிகழ்ச்சியின் 6வது சீசன் கடந்த அக்டோபர் 9 ஆம் தேதி தொடங்கியது. இதில் ஜி.பி.முத்து, பாடகர் அசல் கோலார், ராபர்ட் மாஸ்டர், திருநங்கை ஷிவின் கணேசன் , சாந்தி அரவிந்த், சீரியல் நடிகர் முகம்மது அஸீம், சீரியல் நடிகை ஆயிஷா, ஷெரின் ஷாம், மணிகண்ட ராஜேஷ், சரவணன் மீனாட்சி ரக்ஷிதா, ராம் ராமசாமி, பாடகர் தினேஷ் கனகரத்தினம் , விஜே மகேஸ்வரி, அமுதவாணன், நடனக் கலைஞர் மணிச்சந்திரா, விஜே கதிரவன், நடிகை குயின்ஸி, சிங்கப்பூர் மாடல் நிவாசினி, டிக்டாக் பிரபலம் தனலட்சுமி, விசிக மாநில செய்தி தொடர்பாளர் விக்ரமன்,மைனா நந்தினி ஆகியோர் பங்கேற்றனர்.
இதில் ஜிபி முத்து தனது மகனுக்கு உடல் நிலை சரியில்லாததால் நிகழ்ச்சி தொடங்கிய முதல் வாரத்திலேயே பிக் பாஸ் இல்லத்திலிருந்து வெளியேறினார். இதனைத் தொடர்ந்து முதல் வாரம் எவிக்ஷனாக சாந்தியும், 2வது வாரம் பெண் போட்டியாளர்களிடம் அநாகரிகமாக நடந்து கொண்ட குற்றச்சாட்டுக்கு ஆளான அசல் கோலாரும் வெளியேறினர். இதனைத் தொடர்ந்து இந்த வாரம் நாமினேஷன் பட்டியலில் அசிம், ஆயிஷா, ஷெரின், கதிரவன் மற்றும் விக்ரமன் ஆகியோர் இடம் பெற்றனர்.
இதனையடுத்து இந்த வாரம் ‘இந்த டிவி’...’அந்த டிவி’ என்னும் தலைப்பில் அணி பிரிந்து ரியாலிட்டி ஷோ, நியூஸ், நாடகம் உள்ளிட்ட பல நிகழ்ச்சிகளை ரகளையாக நடத்தினர். இதில் பல சண்டைகளும் இடம் பெற்றது. இதனால் பார்க்கவே இந்த வாரம் நிகழ்ச்சிகள் அமோகமாக அமைந்தது. இந்த நிலையில் தான் இந்த வாரம் எவிக்ஷன் யார் என்ற தகவல் வெளியாகியுள்ளது. அதன்படி கடந்த வாரம் தலையில் அடிபட்டது தொடங்கி குறும்படம் போட காரணமாக அமைந்து, சில போலியான நிகழ்வுகளை நடத்திய ஷெரின் ஷாம் தான் வெளியேறியுள்ளதாக கூறப்பட்டுள்ளது.
சொல்லப்போனால் கமலால் கடந்த வாரம் கண்டிக்கப்பட்ட அசிமின் கூட்டணியில் இருந்த அசல் கோலார் வெளியே சென்ற நிலையில் இந்த வாரம் இந்த கூட்டணியின் மற்றொரு நபரான ஷெரின் வெளியேறியுள்ளார் என்பது குறிப்பிடத்தக்கது.