தமிழ் திரையுலகின் மிகப்பெரிய இயக்குனர் பாரதிராஜா உடல்நலக்குறைவால் மருத்துவமனையில் அனுமதிக்கப்பட்டிருந்த நிலையில், தற்போது சென்னை, அமைந்தகரையில் உள்ள பிரபல தனியார் மருத்துவமனையில் சிகிச்சைக்காக அனுமதிக்கப்பட்டுள்ளார். அமைந்தகரையில் உள்ள பிரபல தனியார் மருத்துவமனையில் அனுமதிக்கப்பட்டுள்ள பாரதிராஜாவிற்கு அங்கு உயர்தர சிகிச்சைகள் வழங்கப்பட உள்ளது.


மருத்துவமனை நிர்வாகம் விரைவில் அவரது உடல்நலம் குறித்த அறிக்கையை  வெளியிடும் என்று எதிர்பார்க்கப்படுகிறது. தி.நகரில் சிகிச்சைக்காக அனுமதிக்கப்பட்ட பாரதிராஜா நான்கு நாட்களில் வீடு திரும்புவார் என்று தகவல்கள் வெளியான நிலையில், அவர் உயர் சிகிச்சைக்காக அனுமதிக்கப்பட்டிருப்பது ரசிகர்கள் மத்தியில் வேதனையை ஏற்படுத்தியுள்ளது. 


முன்னதாக, பிரபல இயக்குநரான பாரதிராஜா உடல்நலக்குறைவு காரணமாக சென்னை தி. நகரில் உள்ள தனியார் மருத்துவமனையில் அனுமதிப்பட்டார். நீர்ச்சத்து குறைபாடு காரணமாக வீட்டில் இருந்தே சிகிச்சைப் பெற்று வந்த அவரது உடல்நிலை மோசமானதைத் தொடர்ந்து, அவர் மருத்துவமனையில் அனுமதிக்கப்பட்டார். தி.நகரில் உள்ள மருத்துவமனையில் சிகிச்சை பெற்று வந்த பாரதிராஜா தற்போது உயர் சிகிச்சைக்காக அமைந்தகரையில் உள்ள பிரபல மருத்துவமனையில் அனுமதிக்கப்பட்டார். 


கடந்த 1942ம் ஆண்டு பிறந்த பாரதிராஜா கடந்த 23-ந் தேதிதான் தன்னுடைய 81வது பிறந்தநாளை கொண்டாடினார். தனுஷ் நடித்த திருச்சிற்றம்பலம் படத்தில் தனுஷின் தாத்தாவாக, பிரகாஷ்ராஜின் தந்தையாக அற்புதமான நடிப்பை வெளிப்படுத்தினார். தமிழ் சினிமாவில் தவிர்க்க முடியாத படைப்புகள் பலவற்றைய இயக்கிய பாரதிராஜா கடந்த சில ஆண்டுகளாக இயக்கத்தில் இருந்து ஒதுங்கியிருந்தார். சமீபகாலமாக முன்னணி நடிகர்களுடன் முக்கிய கதாபாத்திரத்தில் நடித்து வந்தார். சசிகுமாருடன் கென்னடி கிளப், சிவகார்த்திகேயனுடன் நம்ம வீட்டுப்பிள்ளை, சிம்புவுடன் ஈஸ்வரன் என பல படங்களில் நடித்துள்ளார். 


தமிழ் திரையுலகின் மிகப்பெரிய ஆளுமைகளான சிவாஜிகணேசன், ரஜினிகாந்த், கமல்ஹாசன் ஆகியோரை இயக்கியவர். தமிழ் திரையுலகின் முன்னணி நடிகைகள் பலரையும் கோலிவுட்டிற்கு அறிமுகப்படுத்திய பெருமைக்கு சொந்தக்காரர் என்ற பல பெருமைகளை கொண்டவர். தேசிய விருது, மாநில விருது என்று பல விருதுகளை குவித்துள்ள பாரதிராஜா உடல்நலம் தேற வேண்டும் என்று திரைப்பிரபலங்களும், ரசிகர்களும் பிரார்த்தனை செய்து வருவதாக சமூக வலைதளங்களில் பதிவிட்டு வருகின்றனர். மருத்துவமனையில் அனுமதிக்கப்பட்டுள்ள நிலையில் அவர் உடல்நலம் தேறி வர வேண்டும் என்று நடிகை ராதிகா பிரான்சில் உள்ள தேவாலயத்தில் சிறப்பு பிரார்த்தனை மேற்கொண்டார் என்பது குறிப்பிடத்தக்கது. 


மேலும் படிக்க : Bigg Boss 6 Tamil: ஒரே ஒரு ப்ரொமோ... ஊரே புறப்படத் தயாராகும் பிக்பாஸ் வீடு... எகிறும் சீசன் 6!


மேலும் படிக்க : Ansiba Hassan: ஜார்ஜ் குட்டி மகளா இது... க்ளாமரில் டாஃப் கியர் போட்டு ஓவர் ஸ்பீடில் செல்லும் அன்சிபா அசன்!