மலையாளத்தில் வெளியான த்ரிஷ்யம் திரைப்படத்தை அவ்வளவு எளிதில் யாரும் மறந்துவிட முடியாது. மோகன்லால்-மீனா குடும்பத்தின் கதை, பிந்நாளில் கமல்-கவுதமி, வெங்கடேஷ்-மீனா என தமிழ், தெலுங்கு, இந்தி உள்ளிட்ட பல்வேறு மொழிகளில் படமாக்கப்பட்ட படம். சுயம்புலிங்கம் என்கிற கதாபாத்திரமாக கமலை மாற்றிய பாபநாசம் தான் த்ரிஷ்யம்.
ஒரு குடும்பத்தின் மூத்த மகளுக்கு நடக்கும் மோசமான நிகழ்வு தான் படத்தின் கதை. அந்த மூத்த மகளாக, மலையாளத்தின் த்ரிஷ்யம் படத்தில் நடத்தவர் அன்சிபா அசன். ஜோர்ஜ் குட்டி (ஜார்ஜ் குட்டி) மகளாக அன்சிபாவின் நடிப்பு, பெரிய அளவில் பேசப்பட்டது. 2013 ம் ஆண்டு வெளியான த்ரிஷ்யம் திரைப்படம் தான் அன்சிபாவிற்கு பெரிய அடையாளமாகவும் மாறியது.
கேரள மாநிலம் கோழிக்கோடு பகுதியில் பிறந்த அன்சிபாவிற்கு, 2008 ம் ஆண்டு வெளியான இன்னாத்தே சிந்தா விசயம் என்கிற மலையாளம் படம் தான் அறிமுகம். அதில் பள்ளி சிறுமியாக அறிமுகம் ஆன அவர், அதன் பின் 2009 ல் தமிழில் வெளியான சிரித்தால் ரசிப்பேன் என்கிற படத்தில் தமிழில் அறிமுகமானார். அதன் பின் தமிழில் தான் அவருக்கு அதிக வாய்ப்புகள் கிடைத்தது.
மண்டபம், ஆறாவது வனம், கச்சேரி ஆரம்பம், கொஞ்சம் வெயில் கொஞ்சம் மழை, உடும்பன், புன்னகை பயணம், நாகராஜ சோழன் எம்.ஏ., எம்.எல்.ஏ., ஆகிய தமிழ் படங்களில் தொடர்ந்து நடித்த அன்சிபா, அதன் பின் 2013ல் த்ரிஷ்யம் படம் மூலம் மீண்டும் மலையாளத்திற்குச் சென்றார். அங்கு, அடித்த ஜாக்பாட் தான், அதன் பின் அன்சிபாவிற்கு வாய்ப்புகள் குவியத் தொடங்கின.
இடையிடையே ஓரிரு தமிழ் படங்களில் தலை காட்டினாலும், பெரும்பாலான படங்கள் மலையாளத்தில் அவருக்கு வாய்ப்புகள் குவிந்தது. ஒருபுறம் வெள்ளித்திரை வாய்ப்புகள் வந்தாலும் மற்றொரு புறம் சின்னத்திரையில் நிகழ்ச்சி தொகுத்து வழங்கும் வாய்ப்பும் அவருக்கு கிடைத்தது.
2014 ம் ஆண்டு ‛என்டே குட்டியாகலாம்’ என்கிற நிகழ்ச்சியில் தொகுப்பாளராக அறிமுகமான அன்சிபா, ஸ்டார் சேலஞ்ச், மருஹாபா, காமெடி சூப்பர் நைட் 2, மைலாஞ்சி மோஞ்சு உள்ளிட்ட பல்வேறு நிகழ்ச்சிகளையும் தொகுத்து வழங்கி னார்.
ஒரே நேரத்தில் சின்னத்திரை, வெள்ளித்திரை என இரண்டிலும் கலக்கி வரும் அன்சிபா, கவர்ச்சியான உடைகளை அணிந்து தனது இன்ஸ்டாகிராமில் பதிவிட்டு வருகிறார். தொடர்ந்து சினிமா வாய்ப்புகளிலும் தன் இருப்பை தக்க வைத்து வரும் அன்சிபா, மலையாள சினி உலகின் கலக்கல் கவர்ச்சி புயலாக வீசி வருகிறார்.
‛ஜார்ஜ் குட்டி மகள் அஞ்சு ஜார்ஜா இது...’ என்று ட்ரோல் செய்பவர்கள் ஒருபுறம் இருந்தாலும், தனது பாதையை நேர்த்தியாக தேர்வு செய்து பயணித்துக்கொண்டிருக்கிறார் அன்சிபா.