நடிகர் விஜய் நடிப்பில், இயக்குநர் நெல்சன் திலீப் குமார் இயக்கத்தில் வரும் ஏப்ரல் 13 ஆம் தேதி வெளியாக உள்ள திரைப்படம் ‘பீஸ்ட்’. இந்தப்படத்தை சன்பிக்சர்ஸ் நிறுவனம் தயாரிக்கிறது. இந்த நிலையில் இந்தப்படத்தை ப்ரோமோட் செய்யும் விதமாக, நடிகர் விஜய், சன் டிவிக்கு நேர்காணல் தந்திருக்கிறார். இந்த நேர்காணலில் நடிகர் விஜயை பீஸ்ட் படத்தின் இயக்குநர் நெல்சன் திலீப்குமார் கேள்வி கேட்கிறார்.
ஏற்கனவே, இதுதொடர்பான முதல் ப்ரோமோ வெளியாகி மிகப்பெரிய வைரலான நிலையில், தற்போது இரண்டாவது ப்ரோமோவை சன் டிவி வெளியிட்டுள்ளது. ப்ரோமோ தொடக்கத்திலேயே நடிகர் விஜய், ராமம்மா ஹே ஜாலியே ஜிம்கானா, ராசம்மா ஏ ராசம்மா கேட்டுக்க என் கானா, ராபம்மா ஹே ராபம்மா ஜாலியே ஜிம்கானா பாடலை பாடுகிறார்.
தொடர்ந்து, இயக்குநர் நெல்சன் நடிகர் விஜயிடம், நடிகர் விஜயை விஜயே இன்டர்வியூ எடுத்தா என்ன கேட்பீங்க என்று கேள்வி கேட்கிறார். அதற்கு விஜய், க்யூட்டாக சிரிக்கிறார். நெல்சன் மேலும் விளையாட்டாக உங்கள்ட்ட தான் வீட்ல நான்கு கார் இருக்குல எதுக்கு சைக்கிள் எடுத்துது போறீங்க என்று கேள்வி கேட்க, அத்துடன் ப்ரோமோ வருகிற ஞாயிறு இரவு 9 மணிக்கு சன் டிவியில் ஒளிப்பரப்பாகிறது என்ற தகவலுடன் முடிவடைகிறது.
நடிகர் விஜய் நடிப்பில் நெல்சன் திலீப்குமார் இயக்கத்தில் வரும் ஏப்ரல் 13 ஆம் தேதி வெளியாக உள்ள பீஸ்ட் படத்தின் ட்ரெய்லர் வெளியாகியது. தமிழ் திரையுலகின் முன்னணி நடிகர் விஜய். ‘மாஸ்டர்’ படத்தின் வெற்றிக்கு பிறகு நடிகர் விஜய், இயக்குனர் நெல்சன் இயக்கத்தில் பீஸ்ட் (Beast) படத்தில் நடித்திருக்கிறார். இந்தப்படம் வருகிற ஏப்ரல் மாதம் 13-ம் தேதி வெளியாக உள்ளது. படத்தின் ப்ரொமோஷன் வேலைகளில் ஒரு பகுதியாக, முதல் பாடல் கடந்த மாதம் 14-ம் தேதி காதலர் தினத்தை முன்னிட்டு வெளியிடப்பட்டது. சிவகார்த்திகேயன் பாடல் வரிகள் எழுதி அனிருத் இசையமைத்துள்ள அரபிக்குத்து பாடல் பல மில்லியன் பார்வையாளர்களை கடந்து ஹிட் அடித்து இருக்கிறது. அதனைத்தொடர்ந்து வெளியான போஸ்டரும் வைரலான நிலையில், விஜய் குரலில் ‘ஜாலிலோ ஜிம்கானா’ பாடலும் சமூகவலைதளங்களில் வெளியாகி வைரலானது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்